ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ, ଛାତ୍ରଙ୍କୁ ପଛରେ ପକାଇଲେ ଛାତ୍ରୀ
ଭୁବେନେଶ୍ୱର: ପ୍ରକାଶ ପାଇଲା ବହୁ ପ୍ରତୀକ୍ଷିତ ଯୁକ୍ତ ଦୁଇ ପରୀକ୍ଷା ଫଳ । ଗତକାଲି ସନ୍ଧ୍ୟାରେ ପରୀକ୍ଷା ଫଳ ପ୍ରକାଶ ପାଇବ ବୋଲି କୁହାଯାଉଥିଲା କିନ୍ତୁ କୌଣସି କାରଣ ପାଇଁ କାଲି ପ୍ରକାଶ ପାଇନଥିଲା । ତେବେ ଆଜି ଅଫଲାଇନରେ ହୋଇଥିବା ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇଛି ।
ସୂଚନା ଅନୁସାରେ ଚଳିତ ବର୍ଷ କରୋନା ମହାମାରୀ ଯୋଗୁଁ ଦଶମ ପରୀକ୍ଷାଫଳ ଆଧାରରେ ଯୁକ୍ତ୨ ଫଳ ମୂଲ୍ୟାୟନ କରାଯାଇଥିଲା । ସେଥିରେ ଅସନ୍ତୁଷ୍ଟ ଥିବା ଛାତ୍ରଛାତ୍ରୀ ଅଫଲାଇନ୍ରେ ପରୀକ୍ଷା ଦେବାକୁ ପଞ୍ଜୀକୃତ କରିଥିଲେ । ୧୩ହଜାର ୪୩ଜଣ ପଞ୍ଜୀକୃତ କରିଥିବାବେଳେ ୧୨ହଜାର ୩୨୧ ଜଣ ଛାତ୍ରଛାତ୍ରୀ ଅଫଲାଇନରେ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୮ହଜାର ୪୬୦ଜଣ କୃତକାର୍ଯ୍ୟ ହୋଇଛନ୍ତି । ଏହି ପରୀକ୍ଷାରେ ପାସ୍ ହାର ରହିଛି ୬୮.୬୬ ପ୍ରତିଶତ । ଏମାନଙ୍କ ମଧ୍ୟରୁ କଳାରେ ୬ହଜାର ୩୧୦ ଜଣ ପାସ୍ କରିଥିବାବେଳେ ବାଣିଜ୍ୟରେ ୪୨୨ଜଣ ଓ ବିଜ୍ଞାନରେ ୧ହଜାର ୫୦୧ ଜଣ ପାସ୍ କରିଛନ୍ତି । ସେହିପରି ଧନ୍ଦାମୂଳକ ଶିକ୍ଷାରେ
୨୨୭ଜଣ ପାସ୍ କରିଛନ୍ତି ।
ତେବେ ଏହି ପରୀକ୍ଷା ଫଳରେ ଛାତ୍ରଙ୍କୁ ପଛରେ ପକାଇଛନ୍ତି ଛାତ୍ରୀ । ଛାତ୍ରଙ୍କ ପାସ୍ ହାର ୬୨.୭ ରହିଥିବାବେଳେ ଛାତ୍ରୀଙ୍କ ପାସ୍ ହାର ୬୬.୭୬ ରହିଛି ।
Powered by Froala Editor
