ଆଜି ଅନୁଗୁଳ, ଢେଙ୍କାନାଳ ଗସ୍ତରେ ଯିବେ ମୁଖ୍ୟମନ୍ତ୍ରୀ
ଭୁବନେଶ୍ୱର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଢେଙ୍କାନାଳ ଓ ଅନୁଗୁଳ ଗସ୍ତରେ ଯିବେ। ଏହି ଦୁଇ ଜିଲ୍ଲାରେ ମୁଖ୍ୟମନ୍ତ୍ରୀ ବିଜୁ ସ୍ୱାସ୍ଥ୍ୟକଲ୍ୟାଣ ସ୍ମାର୍ଟ ହେଲ୍ଥ କାର୍ଡ ବଣ୍ଟନର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଦୁଇ ଜିଲ୍ଲାରେ ୯ ଲକ୍ଷ ସ୍ୱାସ୍ଥ୍ୟ କାର୍ଡ ବଣ୍ଟନ କରିବାର ଯୋଜନା ରହିଛି।
ଏକା ସଙ୍ଗରେ ୮ଟି ବ୍ଲକ ସହିତ ୩ଟି ଏନଏସି, ପୌରାଞ୍ଚଳରେ ଏହି କାର୍ଡ ବଣ୍ଟନ କରାଯିବ। ସେହିପରି ସଦର ବ୍ଲକ ୩୦ଟି ପଞ୍ଚାୟତରେ ୩୯ ହଜାର ୧୦୩ ଜଣ, ଗଁଦିଆର ୨୯ଟି ପଞ୍ଚାୟତରେ ୩୪ ହଜାର ୪୮୯, କାମାକ୍ଷାନଗର ବ୍ଲକ ୨୨ଟି ପଞ୍ଚାୟତରେ ୨୭ ହଜାର ୩୬୭, ହିନ୍ଦୋଳ ବ୍ଲକ ୩୫ଟି ପଞ୍ଚାୟତରେ ୪୫ ହଜାର ୩୧୭ ହିତାଧିକାରୀଙ୍କୁ ଏହି ସ୍ମାର୍ଟ କାର୍ଡ ବଣ୍ଟନ କରାଯିବ। ଏହା ସହିତ ଢେଙ୍କାନାଳ ଜିଲ୍ଲାର ୪୪୮ କୋଟି ଉନ୍ନୟନ ମୂଳକ ପ୍ରକଳ୍ପର ଶୁଭାରମ୍ଭ କରିବାର ମଧ୍ୟ କାର୍ଯ୍ୟକ୍ରମ ରହିଛି।
Powered by Froala Editor
