ବାୟୁସେନାର ଏମଆଇ-୧୭ ହେଲିକପ୍ଟର କ୍ରାଶ
ଅରୁଣାଚଳ ପ୍ରଦେଶରେ ଭାରତୀୟ ବାୟୁସେନାର ହେଲିକପ୍ଟର ଦୁର୍ଘଟଣାର ସମ୍ମୁଖୀନ ହୋଇଛି। ଆଜି ବାୟୁସେନାର ଏମଆଇ-୧୭ ହେଲିକପ୍ଟର କ୍ରାଶଲ୍ୟାଣ୍ଡ କରିଛି। ହଠାତ୍ ମଝି ଆକାଶରେ ହେଲିକପ୍ଟରଟି ଦୁର୍ଘଟଣା ଗ୍ରସ୍ତ ହୋଇଥିଲା । ଏହି ସମୟରେ ହେଲିକପ୍ଟରଟି ମଧ୍ୟରେ ୨ ଜଣ ପାଇଲଟ ଓ ୩ ଜଣ କ୍ରୁ ସଦସ୍ୟ ରହିଥିଲେ। ତେବେ ସମସ୍ତେ ଅଳ୍ପକେ ରକ୍ଷା ପାଇ ଯାଇଛନ୍ତି। ହେଲେ ଦୁର୍ଘଟଣାର କାରଣ ଏପର୍ଯ୍ୟନ୍ତ ଜଣାପଡିନାହିଁ । ଏନେଇ ତଦନ୍ତ ଜାରି ରହିଛି । ସୂଚନା ଅନୁସାରେ ହେଲିକପ୍ଟର ମେଣ୍ଟନାନ୍ସ କାମରେ ନିୟୋଜିତ ଥିଲା ।
ସେପ୍ଟେମ୍ବର ମାସରେ ଜମ୍ମୁ-କଶ୍ମୀରର ଉଦ୍ଧମପୁରରେ ଆର୍ମିର ଗୋଟିଏ ହେଲିକପ୍ଟର କ୍ରାଶ କରିଯାଇଥିଲା। ଏଥିରେ ୨ ଜଣ ପାଇଲଟ ପ୍ରାଣ ହରାଇଥିଲେ। ସେହିପରି ଅଗଷ୍ଟ ୩ରେ ମଧ୍ୟ ପଠାନକୋଟରେ ସେନା ହେଲିକପ୍ଟର କ୍ରାଶ ହେବାରୁ ୨ ଜଣଙ୍କ ଜୀବନ ଯାଇଥିଲା।
Powered by Froala Editor
