ପ୍ରତାପ ସାମଲଙ୍କୁ ବାଧ୍ୟତାମୂଳକ ଅବସର
ଭୁବନେଶ୍ୱର: ଗତକିଛି ଦିନ ତଳେ ଭିଜିଲାନ୍ସ ଜାଲରେ ଫସିଥିବା କୋଟପତି ସରକାରୀ ବାବୁ ପ୍ରତାପ ସାମଲଙ୍କୁ ରାଜ୍ୟସରକାର ବାଧ୍ୟତାମୂଳକ ଅବସର ଦେଇଛନ୍ତି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଓଏସପିଏଚ୍ଡବ୍ଲୁ୍ୟର ପୂର୍ବତନ ଡେପୁଟି ମ୍ୟାନେଜର ପ୍ରତାପ ସାମଲଙ୍କୁ ଭିଜିଲାନ୍ସ ଗିରଫ କରିଛି । ବ୍ୟାପକ ଦୁର୍ନିତି ଅଭିଯୋଗରେ ପ୍ରତାପଙ୍କୁ ନିଲମ୍ବିତ କରାଯାଇଛି । ଅପାରଗତା ଓ ଦୁର୍ନିତି ଅଭିଯୋଗରେ ରାଜ୍ୟ ସରକାର ଆଜି ତାଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି ।
ସୂଚନା ଅନୁସାରେ ଭିଜିଲାନ୍ସ ରେଡ୍ବେଳେ ପ୍ରତାପଙ୍କ ଘରୁ ୧୫କୋଟି ଟଙ୍କାର ଆୟବହିର୍ଭୂତ ସମ୍ପତତ୍ତି ଜବତ ହୋଇଥିଲା ।
ଭିଜିଲାନ୍ସ ରେଡ୍ କରିବାକୁ ଯାଇଥିବାବେଳେ ଡରରେ ପ୍ରତାପ ୪୫ମିନିଟ୍ କବାଟ ଖୋଲିନଥିଲେ ଓ ପଡୋଶୀ ଘରର ଛାତକୁ ଟଙ୍କା ପେଟି ଫୋପାଡି ଦେଇଥିଲେ । ପରେ ଭିଜିଲାନ୍ସ ସନେ୍ଦହ କରି ସେହି ଟଙ୍କା ପେଟିକୁ ଜବତ କରିଥିଲା । ସେଥିରେ ୨୦ଲକ୍ଷ ଟଙ୍କା ରହିଥିଲା ବୋଲି ଭିଜିଲାନ୍ସ ପକ୍ଷରୁ ସୂଚନା ମିଳିଥିଲା । ଏହାପରେ ଘରୁ ନଗଦ କ୍ୟାସ ମଧ୍ୟ ଯବତ ହୋଇଥିଲା । ପରେ ବିଭିନ୍ନ ସ୍ଥାନରେ ରହିଥିବା କୋଟିକୋଟି ଟଙ୍କାର ପ୍ଲଟ, ବିଲ୍ଡିଂ ଓ ସୋରୁମ୍ ଆଦିକୁ ମଧ୍ୟ ଠବ କରାଯାଇଥିଲା ।
Powered by Froala Editor
