ଭୟାବହ ଅଗ୍ନିକାଣ୍ଡ, ୨ ମୃତ
ମୁମ୍ବାଇ: ମହାରାଷ୍ଟ୍ର ରାଜଧାନୀ ମୁମ୍ବାଇର କାନ୍ଦିବାଲି ଅଞ୍ଚଳରେ ଭୟାବହ ଅଗ୍ନିକାଣ୍ଡ । ମଥୁରାଦାସ ରୋଡରେ ଥିବା ହଂସା ହେରିଟେଜ ନାମକ ଏକ ୧୫ ମହଲା କୋଠାର ୧୪ ମହଲାରେ ଭୀଷଣ ଅଗ୍ନିକାଣ୍ଡ ଘଟିଛି । ନିଆଁରେ ପୋଡି ହୋଇ ଦୁଇ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି ।
ଶନିବାର ବିଳମ୍ବିତ ରାତିରେ ଏହି ଅଘଟଣ ଘଟିଛି । ଦୀପାବଳି ଅବସରରେ ଘରେ ଲାଗିଥିବା ଦୀପ ନିଆଁରୁ ଏହି ନିଆଁ ଲାଗିଛି । ଏନେଇ ଖବର ପାଇବା ପରେ ଘଟଣାସ୍ଥଳରେ ତୁରନ୍ତ ଅଗ୍ନିଶମ ବାହିନୀ ପହଞ୍ଚିଥିଲେ । ନିଆଁର ଶିଖା ବିଲ୍ଡିଂର ଝରକା ପଟେ ବାହାରକୁ ଆସିବା ସହ ଧୀରେ ଧୀରେ ବ୍ୟାପିବାରେ ଲାଗିଥିଲା । ତେଣୁ ନିଆଁକୁ ଆୟତ୍ତ କରିବା ବହୁତ କଷ୍ଟସାଧ୍ୟ ହୋଇପଡିଥିଲା ।ରାତି ୧୦ଟା ୩୦ ସୁଦ୍ଧା ଫାୟାର ବିଗ୍ରେଡ ସେଠାରେ ରହୁଥିବା ୮ ଜଣ ଲୋକଙ୍କୁ ଉଦ୍ଧାର କରିଥିଲେ । ନିଆଁ ସଂସ୍ପର୍ଶରେ ଆହତ ହୋଇଥିବା ଦୁଇ ଜଣ ବାସିନ୍ଦାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ସେମାନଙ୍କର ମୃତ୍ୟୁ ଘଟିଛି । ଏହି ଅଘଟଣ ସମୟରେ ମୁମ୍ବାଇ ମେୟେର କିଶୋରୀ ପେଡନେକର ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛନ୍ତି ।
Powered by Froala Editor
