ସାରା ଦେଶରେ ୧୭ ହଜାର ଚାର୍ଜିଂ ୟୁନିଟ ପ୍ରତିଷ୍ଠା କରିବ ଭାରତର ସର୍ବ ବୃହତ ତୈଳ ସଂସ୍ଥା ଇଣ୍ଡିଆନ ଅଏଲ୍ କର୍ପ ଏବଂ ଭାରତ ପେଟ୍ରୋଲିୟମ ଫର୍ଚୁନ ଗ୍ଲୋବାଲ । ଗତ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ କି ୨୦୭୦ ସୁଦ୍ଧା ବିଶ୍ବର ତୃତୀୟ ବୃହତ୍ତମ ନିର୍ଗମନକାରୀଙ୍କ ଉପରେ ନଗର୍ମନ ହ୍ରାସ କରିବାକୁ  ପ୍ରତିଶୃତି ଦେବା ପରେ ତୈଳ କମ୍ପାନୀମାନେ ଏହି ନିଷ୍ପତି ନେଇଛନ୍ତି ।

ଏବେ ଭାରତରେ ପ୍ରାୟ ୨୮ କୋଟି ଗାଡି ଚାଲୁଛି ଏବଂ ପ୍ରତିବର୍ଷ ୨.୫ କୋଟି ନୂଆ ଗାଡି କିଣୁଛନ୍ତି । ଏହି ସବୁ ଗାଡି ପେଟ୍ରୋଲ, ଡିଜେଲ କିମ୍ବା ଜୀବାଶ୍ମ ଇନ୍ଧନ ଆବଶ୍ୟକତା କରେ । ତେବେ ୨୦୩୦ ମସିହା ସୁଦ୍ଧା ସମସ୍ତ ନୂତନ ଦୁଇ ଚକିଆ ଯାନ ମଧ୍ୟରୁ ୩୦ ପ୍ରତିଶତ ବୈଦ୍ୟୁତିକ ହେବ ବୋଲି ଆକଳନ କରାଯାଇଥିବାବେଳେ ସମସ୍ତ ତିନି ଚକିଆ ଯାନ ମଧ୍ୟରୁ ୩୫ ପ୍ରତିଶତ ଏବଂ ୧୫ ପ୍ରତିଶତ ଚାରି ଚକିଆ ଯାନ ବୈଦ୍ୟୁତିକ ଗାଡି ଚାଲିବ ।

IOC ପ୍ରତି ୨୫ କିଲୋମିଟରରେ ୫୦ କିଲୋଓ୍ବାଟର ଇଭି ଚାର୍ଜିଂ ଷ୍ଟେସନ ଏବଂ ୧୦୦ କିଲୋମିଟରରେ ହେଭି ଡ୍ୟୁଟି ଚାର୍ଜି ଷ୍ଟେସନ ସ୍ଥାପନ କରିବାକୁ ଯୋଜନା କରିଛି । ପ୍ରଥମ ବର୍ଷ ମୁମ୍ବାଇ, ଦିଲ୍ଲୀ, ବାଙ୍ଗାଲୋର, ହାଇଦ୍ରାବାଦ, ଅହମ୍ମଦାବାଦ, ଚେନ୍ନାଇ, କୋଲକାତା, ସୁରଟ ଓ ପୁନେରେ ୨୩୧ଟି ଇଭି ଚାର୍ଜିଂ ଷ୍ଟେସନ ପ୍ରତିଷ୍ଠା କରିବାକୁ ଲକ୍ଷ୍ୟ ରଖିଛି IOC । ଦ୍ବିତୀୟ ବର୍ଷରେ ଆଉ ୩୭୫ଟି ଚାର୍ଜିଂ ଷ୍ଟେସନ ଓ ତୃତୀୟ ବର୍ଷ ଆଉ ୨୧୫ ଚାର୍ଜିଂ ଷ୍ଟେସନ କରିବ ବୋଲି କହିଛି । ମୋଟ ଉପରେ ତିନି ବର୍ଷ ମଧ୍ୟରେ ବିଭିନ୍ନ ରାଜ୍ୟର ରାଜଧାନୀରେ ୯୪୪ଟି ଚାର୍ଜିଂ ଷ୍ଟେସନ ନିର୍ମାଣ ହେବ । ତେବେ ଏହି ୧୦ ହଜାର ଚାର୍ଜିଂ ଷ୍ଟେସନ ମଧ୍ୟରୁ ଅଧାରୁ ଅଧିକ ଷ୍ଟେସନ ଜାତୀୟ ରାଜପଥ ଓ ବିଭିନ୍ନ ସହରରେ ନିର୍ମାଣ ହେବ ।

Powered by Froala Editor