ମଙ୍ଗଳବାର ସଂସଦରେ ଅପରେଶନ ସିନ୍ଦୂର ଉପରେ ଆଲୋଚନା ସମୟରେ ପ୍ରିୟଙ୍କା ଗାନ୍ଧୀ ଭଦ୍ରା ଦେଶର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ହତ୍ୟା କରାଯାଇଥିବା ସମୟର ଉଲ୍ଲେଖ କରିଥିଲେ। ତାଙ୍କ ଭାଷଣରେ ସେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଗୃହମନ୍ତ୍ରୀ ଅମିତ ଶାହ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମାଲୋଚନା କରିଥିଲେ।

ପ୍ରିୟଙ୍କା କହିଥିଲେ ଯେ, କେନ୍ଦ୍ର ସରକାରଙ୍କ ମନ୍ତ୍ରୀମାନେ ଗୃହରେ ସମସ୍ତ ଦିଗକୁ ନେଇ ମତାମତ ପ୍ରଦ‌ାନ କରିଥିଲେ ଏବଂ ଇତିହାସ ମଧ୍ୟ ପଢ଼ାଇଥିଲେ। କିନ୍ତୁ ପହଲଗାମରେ ଆକ୍ରମଣ କିପରି ହେଲା, କାହିଁକି ହେଲା ତାହା କହି ନଥିଲେ, ଏହି ପ୍ରଶ୍ନଗୁଡ଼ିକ ଏବେ ବି ରହସ୍ୟ ଘେରରେ ରହିଛି।

ପ୍ରିୟଙ୍କା ଗାନ୍ଧୀ ଭଦ୍ରା କହିଥିଲେ ଯେ ଯେତେବେଳେ ତାଙ୍କ ସ୍ବାମୀଙ୍କୁ ଆତଙ୍କବାଦୀମାନେ ଶହୀଦ କରିଥିଲେ, ସେତେବେଳେ ମୋ ମାଆ (ସୋନିଆ ଗାନ୍ଧୀ)ଙ୍କ ଆଖିରୁ ଲୁହ ଝରି ଆସିଥିଲା, ଯେତେବେଳେ ତାଙ୍କୁ ମାତ୍ର ୪୪ ବର୍ଷ ହୋଇଥିଲା।

ପ୍ରିୟଙ୍କା ଆହୁରି କହିଛନ୍ତି ଯେ ଲୋକଙ୍କ ସୁରକ୍ଷାର ଦାୟିତ୍ୱ କ’ଣ ପ୍ରଧାନମନ୍ତ୍ରୀ, ସ୍ବରାଷ୍ଟ୍ର ମନ୍ତ୍ରୀ, ପ୍ରତିରକ୍ଷା ମନ୍ତ୍ରୀ, ଏନଏସଏଙ୍କର ନୁହେଁ? ଏହା ସୁନାର ମୁକୁଟ ନୁହେଁ, ବରଂ କଣ୍ଟାର ମୁକୁଟ। ଯେତେବେଳେ ସରକାର ମିଛ ଏବଂ କାପୁରୁଷ, ଏହା ସବୁଠାରୁ ସାହସୀ ସେନାକୁ ମଧ୍ୟ ଦୁର୍ବଳ କରିଦିଏ। ଦେଶକୁ ପ୍ରତିଶୋଧର ସହିତ ସମସ୍ତଙ୍କୁ ସୁରକ୍ଷା ଦେବା ପାଇଁ ଏକ ପ୍ରତିଜ୍ଞା ଆବଶ୍ୟକ, ସେନାର ଶକ୍ତି ସହିତ, ସରକାରଙ୍କ ସତ୍ୟ ମଧ୍ୟ ଆବଶ୍ୟକ।

Powered by Froala Editor