ଜିକା ଭାଇରସ ଭୟ: ଉତ୍ତରପ୍ରଦେଶରେ ପୁଣି ୧୪ ଆକ୍ରାନ୍ତ ଚିହ୍ନଟ
ଉତ୍ତରପ୍ରଦେଶରେ ବ୍ୟାପୁଥିବା ଜିକା ଭାଇରସ ମାମଲା ଚିନ୍ତାଜନକ ସ୍ଥିତି ସୃଷ୍ଟି କରିଛି । ଏଠାରେ ନୂଆ ୧୪ ଜଣ ସଂକ୍ରମିତଙ୍କୁ ମିଶାଇ ମୋଟ ଜିକା ଭାଇରସରେ ଆକ୍ରାନ୍ତ ହୋଇଥିବା ବ୍ୟକ୍ତିଙ୍କ ସଂଖ୍ୟା ୨୫ରେ ପହଞ୍ଚିଛି।
ସୂଚନା ମୁତାବକ, କାନପୁରରେ ପ୍ରଥମେ ନଭେମ୍ବର ୧ ତାରିଖରେ ଜିକା ଭାଇରସର ୬ଟି ମାମଲା ସାମ୍ନାକୁ ଆସିଥିଲା। କାନପୁରର ଚକେରୀ ଅଞ୍ଚଳରୁ ସଂକ୍ରମିତ ଚିହ୍ନଟ ହୋଇଥିଲା। ଏହି ୬ ଜଣଙ୍କ ମଧ୍ୟରୁ ୪ ଜଣ ମହିଳା ଥିଲେ।
ଅନ୍ୟପଟେ ଜିକା ଭୂତାଣୁର ଦ୍ରୁତ ଗତିରେ ବୃଦ୍ଧି ପାଉଥିବା ମାମଲାକୁ ଦେଖି ପ୍ରଶାସନ ମଧ୍ୟ ଆକ୍ସନ ମୋଡକୁ ଆସିଛି। ସମସ୍ତ ରୋଗୀମାନେ କାଶିରାମ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଜିକା ପାଇଁ ଏଠାରେ ଏକ ଅଲଗା ୱାର୍ଡ ପ୍ରସ୍ତୁତ କରାଯାଇଛି। ଏହା ବ୍ୟତୀତ ଜିକା ଭାଇରସ ସଂକ୍ରମଣକୁ ରୋକିବା ପାଇଁ ରାଜ୍ୟର ଡିଏମ୍, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସମେତ ସ୍ୱାସ୍ଥ୍ୟ ବିଭାଗ ଅଧିକାରୀଙ୍କୁ ବୈଠକ ପାଇଁ ଡାକିଛନ୍ତି।
Powered by Froala Editor
