ଦେଶରେ ୧୨,୮୩୦ ନୂଆ ସଂକ୍ରମିତ ଚିହ୍ନଟ, ୪୪୬ ମୃତ
![ଦେଶରେ ୧୨,୮୩୦ ନୂଆ ସଂକ୍ରମିତ ଚିହ୍ନଟ, ୪୪୬ ମୃତ](https://odishanewslens.com/news_gallery/7611_1635661823.jpeg)
ନୂଆଦିଲ୍ଲୀ: ଦେଶରେ ନିୟନ୍ତ୍ରଣାଧୀନ ରହିଛି ମହାମାରୀ । ଦୈନିକ ୧୫ ହଜାରକୁ କମ ରହୁଛି ଆକ୍ରାନ୍ତଙ୍କ ସଂଖ୍ୟା । ତେବେ ସଂକ୍ରମଣ କମୁଥିଲେ ହେଁ କିନ୍ତୁ ମୃତ୍ୟୁସଂଖ୍ୟାରେ ଲାଗୁନି ବ୍ରେକ । ଗତ ୨୪ ଘଣ୍ଟାରେ ଦେଶରେ ମୋଟ ୧୨ ହଜାର ୮୩୦ ନୂଆ ସଂକ୍ରମିତ ଚିହ୍ନଟ ହୋଇଥିବାବେଳେ ଗୋଟିଏ ଦିନରେ ୪୪୬ ଜଣ ଆକ୍ରାନ୍ତ ପ୍ରାଣ ହରାଇଛନ୍ତି । ସେହିପରି ୧୪ ହଜାର ୬୬୭ ଜଣ ସଂକ୍ରମିତ ସୁସ୍ଥ ହୋଇଥିବା ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
ବର୍ତ୍ତମାନ ସୁଦ୍ଧା ଦେଶରେ ସମୁଦାୟ ୩ କୋଟି ୪୨ ଲକ୍ଷ ୭୩ ହଜାର ୩୦୦ କୋରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ସେଥିମଧ୍ୟରୁ ମୋଟ ୩ କୋଟି ୩୬ ଲକ୍ଷ ୫୫ ହଜାର ୮୪୨ ଜଣ ସୁସ୍ଥ ହୋଇଛନ୍ତି । ଏବେ ସୁଦ୍ଧା ଭାରତରେ ମୋଟ ୧ ଲକ୍ଷ ୫୯ ହଜାର ୨୭୨ଟି ସକ୍ରିୟ ମାମଲା ରହିଛି । ଏପଟେ କୋଭିଡ ଆରମ୍ଭରୁ ଏଯାଏଁ ମୋଟ ୪ ଲକ୍ଷ ୫୮ ହଜାର ୧୮୬ ଜଣ ସଂକ୍ରମିତ ଆଖି ବୁଜିଛନ୍ତି ।ସେହିପରି ଦେଶରେ ଟୀକାକରଣର ସୁପରଫାଷ୍ଟ ଗତି ସହ ମୋଟ ୧୦୬ କୋଟି ୧୪ ଲକ୍ଷ ୪୦ ହଜାର ୩୩୫ ଡୋଜ ଟୀକାକରଣ କରାଯାଇଛି ।
Powered by Froala Editor