ଥରକେ ୫ ଶିଶୁଙ୍କୁ ଜନ୍ମ ଦେଲେ ମହିଳା
ବିହାର ସିୱାନର ସାଦର ଡାକ୍ତରଖାନାରେ ଜଣେ ମହିଳା ଏକ ସାଙ୍ଗରେ ୫ଟି ଶିଶୁଙ୍କୁ ଜନ୍ମ ଦେଇଛନ୍ତି । ଶିଶୁଙ୍କ ମଧ୍ୟରୁ ୩ ଜଣ ଝିଅ ଥିବା ବେଳେ ୨ ଜଣ ପୁତ୍ର ସନ୍ତାନ ରହିଛନ୍ତି । ସାଦର ହସ୍ପିଟାଲର ଡେପୁଟି ସୁପରିଟେଣ୍ଡେଣ୍ଟ ଡାକ୍ତର ରୀତା ସିଂହ କହିଛନ୍ତି ଯେ, ୫ଟି ଶିଶୁ ଜନ୍ମ ଦେଇଥିବା ମହିଳା ହେଉଛନ୍ତି ଇସମାଇଲ ତାକିଆ ନିବାସୀ ମହମ୍ମଦ ଝୁନାଙ୍କ ପତ୍ନୀ ଫୁଲଜହାଁ ଖାତୁନ୍ । ଗୁରୁବାର ଦିନ ଫୁଲଜହାଁ ସିୱାନର ସାଦର ଡାକ୍ତରଖାନାରେ ଭର୍ତ୍ତି ହୋଇଥିଲେ। ଯାଞ୍ଚ ବେଳେ ଜଣାପଡିଥିଲା ଯେ ମହିଳାଙ୍କ ଗର୍ଭରେ ପାଞ୍ଚଟି ସନ୍ତାନ ଅଛନ୍ତି । ଡାକ୍ତରମାନେ ଖୁବ ସତର୍କତାର ସହ ଡେଲିଭରୀ କରିବାକୁ ନିଷ୍ପତ୍ତି ନେଇଥିଲେ । ତେଣୁ ଅପରେସନ କରି ପିଲାଙ୍କୁ ବାହାର କରିବା ପାଇଁ ମେଡିକାଲ ପକ୍ଷରୁ ଏକ ସ୍ବତନ୍ତ୍ର ଟିମ ଗଠନ କରାଯାଇଥିଲା । ମା’ ଏବଂ ୫ ସନ୍ତାନ ବର୍ତ୍ତମାନ ସୁସ୍ଥ ଥିଲେ ସୁଦ୍ଧା ଡାକ୍ତରଙ୍କ ତତ୍ତ୍ବାବଧାନରେ ରହିଛନ୍ତି । ଏକ ସ୍ବତନ୍ତ୍ର ଡାକ୍ତରୀ ଟିମ ତାଙ୍କ ଉପରେ ନଜର ରଖିଛନ୍ତି ।
Powered by Froala Editor
