ନଭେମ୍ବର ୨୯ରୁ ଶୀତ ଅଧିବେଶନ, ରହିବ ୨୦ଟି କାର୍ଯ୍ୟ ଦିବସ
ନଭେମ୍ବର ଶେଷ ସପ୍ତାହରୁ ସଂସଦର ଶୀତ ଅଧିବେଶନ ଆରମ୍ଭ ହୋଇପାରେ। ସଂସଦୀୟ ବିଭାଗର ଜଣେ ଅଧିକାରୀଙ୍କ କହିବା ଅନୁଯାୟୀ ସମ୍ଭବତଃ ୨୯ରୁ ଡିସେମ୍ବର ୨୩ ପର୍ଯ୍ୟନ୍ତ ସଂସଦର ଶୀତ ଅଧିବେଶନ ଚାଲିବ। ସମସ୍ତ କୋଭିଡ୍ ନିୟମାବଳୀ ପାଳନ ସହ ସଂସଦର ଶୀତ ଅଧିବେଶନ ଆରମ୍ଭ ହେବ ବୋଲି ସଂସଦୀୟ ସୂତ୍ରରୁ ଜଣାପଡ଼ିଛି। ଶୀତ ଅଧୀବେଶନ ସମୟରେ ୨୦ଟି କାର୍ଯ୍ୟଦିବସ ରହିବ। ତେବେ ଏ ସମ୍ପର୍କରେ ବିଧିବଦ୍ଧ ନିଷ୍ପତ୍ତି ନିଆଯାଇ ନାହିଁ।
ଉଲ୍ଲେଖଯୋଗ୍ୟ, କରୋନା ମହାମାରୀ ପାଇଁ ଗତବର୍ଷ ଶୀତ ଅଧିବେଶନ ହୋଇପାରିନଥିଲା। ଅନ୍ୟପକ୍ଷେ ବଜେଟ୍ ଏବଂ ମୌସୁମୀ ଅଧିବେଶନକୁ କୋଭିଡ୍ ପାଇଁ କାଣ୍ଟଛାଣ୍ଟ କରାଯାଇଥିଲା। ସରକାରୀ ଭାବେ ଶୀତ ଅଧିବେଶନ କେବେ ହେବ ଘୋଷଣା ହୋଇନଥିଲେ ସୁଦ୍ଧା ନଭେମ୍ବର ୨୯ରେ ଅଧିବେଶନ ଆରମ୍ଭ ହେବ ଏବଂ ଡିସେମ୍ବର ୨୩ରେ ଅଧିବେଶନ ଶେଷ ହେବ ବୋଲି ଜଣାପଡ଼ିଛି।
Powered by Froala Editor
