ନୂଆଦିଲ୍ଲୀ: କରୋନା ସଂକଟକୁ ନେଇ ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କ ଉପରେ ଜୋରଦାର ବର୍ଷିଛନ୍ତି । କହିଛନ୍ତି ଔଷଧ, ଅକ୍ସିଜେନ ଓ ଅନ୍ୟ ସମ୍ବଳ ବାହାରକୁ ପଠାଇବା ପୂର୍ବରୁ ସରକାର ଯଦି ମୁଣ୍ଡ ନ ଖଟାଇବେ ତେବେ ପରିସ୍ଥିତି ଭୟାବହ ହୋଇପଡ଼ିବ । ଏଥିସହ ଅକ୍ସିଜେନ ଯୋଗାଣ କ୍ଷେତ୍ରରେ ଓଡ଼ିଶା ଠାରୁ ଶିଖିବାକୁ ମଧ୍ୟ ପରାମର୍ଶ ଦେଇଛନ୍ତି । କେନ୍ଦ୍ର ସରକାର ଆଗାମୀ ଏପି୍ରଲ ୨୨ ତାରିଖରୁ ଶିଳ୍ପ କାରଖାନା ଗୁଡ଼ିକୁ ଅକ୍ସିଜେନ ବ୍ୟବହାର ବନ୍ଦ କରିବାକୁ ନିଷ୍ପତ୍ତି ନେଇଥିବାରୁ ତା ଉପରେ ହାଇକୋର୍ଟ ପ୍ରଶ୍ନ ଉଠାଇଛନ୍ତି । ବିଚାରପତି ବିପିନ ସାଂଘି ଓ ରେଖା ପାଲିଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଏପି୍ରଲ ୨୨ ରୁ କାହିଁକି? ଏବେଠାରୁ କାହିଁକି ନୁହେଁ? ଲୋକେ ବର୍ତ୍ତମାନ ଅକ୍ସିଜେନ ଚାହୁଁଛନ୍ତି । ଶିଳ୍ପ ଅପେକ୍ଷା କରିପାରିବ, କିନ୍ତୁ ରୋଗୀ ନୁହେଁ । ମଣିଷ ଜୀବନ ଏବେ ବିପଦରେ ପଡ଼ିଛି । ଅକ୍ସିଜେନ ଯୋଗାଣ ଯଦି ଠିକ ଭାବେ କରା ନଯିବ ତେବେ ଦେଶ ବଡ଼ ବିପର୍ଯ୍ୟୟର ସମ୍ମୁଖୀନ ହେବ । ଶିଳ୍ପ ନୁହେଁ, ବରଂ ଲୋକଙ୍କ ଜୀବନ ବଞ୍ଚାଇବାକୁ ପ୍ରାଥମିକତା ଦିଆଯିବା ଦରକାର । ହାଇକୋର୍ଟ ଆହୁରି ମଧ୍ୟ କହିଛନ୍ତି ଯେ ଯେଉଁ ପ୍ରଦେଶରେ ଅକ୍ସିଜେନ ସବୁଠୁ ଅଧିକ ଆବଶ୍ୟକତା ଅଛି ସେଠାକୁ ଅକ୍ସିଜେନ ଯୋଗାଇବା ବଦଳରେ ଅନ୍ୟସ୍ଥାନକୁ ଯୋଗାଇ ଦିଆଯାଉଛି । ଅକ୍ସିଜେନ ଯୋଗାଣା ସୁବ୍ୟବସ୍ଥା ସମ୍ପର୍କରେ କେନ୍ଦ୍ର ସରକାର ଓଡ଼ିଶା ଠାରୁ ଶିଖନ୍ତୁ । ଓଡ଼ିଶା ସରକାର କରୋନା ରୋଗୀଙ୍କ ଚିକିତ୍ସା ପାଇଁ କେବଳ ଯେ ହସ୍ପିଟାଲରେ ଅକ୍ସିଜେନ ଯୋଗାଣ ସୁବ୍ୟବସ୍ଥା କରି ନାହାନ୍ତି, ବରଂ ଅନ୍ୟ ରାଜ୍ୟମାନଙ୍କୁ ମଧ୍ୟ ଅକ୍ସିଜେନ ଯୋଗଉଛନ୍ତି । ଇସ୍ପାତ ଓ ପେଟ୍ରୋଲିୟମ ଉଦ୍ୟୋଗରେ ସବୁଠୁ ଅଧିକ ମାତ୍ରାରେ ଅକ୍ସିଜେନ ବ୍ୟବହାର କରାଯାଉଛି । କିନ୍ତୁ ଲୋକଙ୍କ ଜୀବନକୁ ଅଣଦେଖା କରି ଆର୍ଥିକ ସ୍ୱାର୍ଥକୁ ଗୁରୁତ୍ୱ ଦିଆଯାଇପାରିବ ନାହିଁ । ତେଣୁ କେନ୍ଦ୍ର ସରକାର ଏଭଳି ଉଦ୍ୟୋଗକୁ ନିଜର ଉପôାଦନ କମାଇବା ପାଇଁ କୁହନ୍ତୁ, ଯଦ୍ୱାରା ସେଠାରେ ବ୍ୟବହାର କରାଯାଉଥିବା ଅକ୍ସିଜେନ ରୋଗୀଙ୍କ ପାଇଁ ଉପଲବ୍ଧ ହୋଇପାରିବ ।

Powered by Froala Editor