କରୋନା ପାଇଁ ଅନେକ ଚାକିରି ହରାଇଛନ୍ତି । କିଛି କମ୍ପାନୀ ମଧ୍ୟ ବୁଡିଯାଇଛି । ତା ଭିତରେ ବି କିଛି ହୃଦୟବାନ ବ୍ୟକ୍ତି ଅଛନ୍ତି ଯିଏକି ନିଜ ଫାଇଦା କଥା ନଭାବି ପ୍ରଥମେ ଲୋକଙ୍କ ସୁଖଦୁଃଖ ବୁଝିଛନ୍ତି । ଏଭଳି ଜଣେ ମଣିଷ ହେଉଛନ୍ତି ଆମେରିକାର ଗ୍ରାଭିଟି ମେମେଣ୍ଟସ କମ୍ପାନୀର ଡାନ୍ ପ୍ରାଇସ୍ ।  ଡାନ୍ ପ୍ରାଇସ୍‌ଙ୍କ ବୟସ ମାତ୍ର ୩୧ ବର୍ଷ । ଡାନ୍ କମ୍ପାନୀ କର୍ମଚାରୀଙ୍କୁ ଦରମା ବୃଦ୍ଧି କରିବାକୁ ନିଜ ଘର ବିକ୍ରି କରିବାକୁ ପଛାଇନାହାନ୍ତି । ଏପରିକି ନିଜ ଦରମାରୁ ୭ କୋଟି କମ୍ କରିଦେଇଛନ୍ତି । ଏଭଳି ନିଷ୍ପତ୍ତିରେ ତାଙ୍କ କର୍ମଚାରୀ ବେଶ୍ ଖୁସିଥିବାବେଳେ କାମ ମଧ୍ୟ ବୃଦ୍ଧି କରିଛନ୍ତି । 

ଡାନ କହିଛନ୍ତି ଯେ, ଏବେ କମ୍ପାନୀର ଷ୍ଟାଫଙ୍କ ସଂଖ୍ୟା ଦୁଇଗୁଣକୁ ବୃଦ୍ଧି ପାଇଛି । ଷ୍ଟାଫଙ୍କ ଦରମା ବଢ଼ାଇବା ସମୟରେ ସେ ନିଜର ବାର୍ଷିକ ସାଲାରି ୭ କୋଟି କମ୍ କରିଦେଇଥିଲେ । ଏହି ନିଷ୍ପତ୍ତିକୁ ନେଇ ସେତେବେଳେ କିଛି ଲୋକ ଡାନଙ୍କୁ ହିରୋର ଆଖ୍ୟା ଦେଇଥିଲା ବେଳେ ଆଉ କେତେକ କମ୍ପାନୀ ଦେବାଳିଆ ହୋଇଯିବ ବୋଲି ଭବିଷ୍ୟବାଣୀ କରିଥିଲେ । ଯେତେବେଳେ ସମସ୍ତ ଷ୍ଟାଫଙ୍କ ସାଲାରୀ ବୃଦ୍ଧି ପାଇଥିଲା, ସେତେବେଳେ ସେମାନେ ସମସ୍ତେ କମ୍ପାନୀ ପ୍ରତି ଅଧିକ ବିଶ୍ୱସ୍ତ ହୋଇଥିଲେ ।

ଫଳସ୍ୱରୂପ ୨୦୨୦ରେ କରୋନା ପାଇଁ କମ୍ପାନୀ ଖରାପ ଅବସ୍ଥାକୁ ଚାଲିଆସିଥିଲେ ମଧ୍ୟ କିଛି ମାସ ପରେ ସେଥିରୁ ମୁକୁଳିବାରେ ସକ୍ଷମ ହୋଇଥିଲା । ଏହି ସମୟରେ କିଛି ଷ୍ଟାଫ ନିଜ ଇଚ୍ଛାରେ କିଛି ମାସ ପାଇଁ ନିଜ ନିଜର ସାଲାରୀ ହ୍ରାସ କରାଇଥିଲେ । ଅନ୍ୟପଟେ ସାଲାରୀ ବୃଦ୍ଧି ହେବା ପରେ ଗ୍ରାଭିଟି ପେମେଣ୍ଟର ସମସ୍ତ ଷ୍ଟାଫ ମିଶି କରି ସିଇଓ ଡାନ୍ ଙ୍କୁ ଏକ ଆକର୍ଷଣୀୟ କାର ଗିଫ୍ଟ କରିଥିଲେ । ତେବେ ଏହାକୁ ନେଇ ସେ ଅଧିକ ଖୁସି ଥିବା ପ୍ରକାଶ କରିଛନ୍ତି । 

Powered by Froala Editor