ରିଆଲିଟି ଶୋ’ ‘ବିଗ୍ ବସ୍ ୨୦’ର ନୂଆ ପ୍ରୋମୋକୁ ନେଇ ଦର୍ଶକଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି । ପ୍ରୋମୋରେ ପ୍ରତିଯୋଗୀ ଗୁଲୁ ଓ ୟଙ୍ଗ ଡିଏସ୍‌ଏଙ୍କ ମଧ୍ୟରେ ତୀବ୍ର ଯୁକ୍ତିତର୍କ ସହ ସଂଘର୍ଷର ଦୃଶ୍ୟ ଦେଖିବାକୁ ମିଳିଛି । ଏହା ପରେ ଗୁଲୁଙ୍କୁ ଶୋ’ରୁ ବାହାର କରାଯିବ କି ନାହିଁ, ସେନେଇ ପ୍ରଶ୍ନ ଉଠିଛି । 

ପ୍ରୋମୋରେ ଦେଖାଯାଇଥିବା ଦୃଶ୍ୟ ଅନୁସାରେ, ଗୁଲୁ ଓ ୟଙ୍ଗଙ୍କ ମଧ୍ୟରେ ହୋଇଥିବା ଯୁକ୍ତିତର୍କ ଖୁବ୍‌ଶୀଘ୍ର ଉଗ୍ର ରୂପ ନେଇଥିଲା । ଏହି ସମୟରେ ଗୁଲୁ ୟଙ୍ଗଙ୍କ ଆଡ଼କୁ ଝାମ୍ପି ପଡ଼ୁଥିବା ଦୃଶ୍ୟ ନଜରକୁ ଆସିଛି । ଏହାକୁ ନେଇ ଶୋ’ରେ ହିଂସା ଘଟିଥିବା ନେଇ ଚର୍ଚ୍ଚା ଆରମ୍ଭ ହୋଇଛି ।

ଏକ ଟାସ୍କ ସମୟରେ ଏହି ବିବାଦର ଆରମ୍ଭ ହୋଇଥିଲା । ଟାସ୍କରେ ପ୍ରତିଯୋଗୀମାନଙ୍କୁ ଏକ ନିର୍ଦ୍ଦିଷ୍ଟ ଆକୃତିର ବୋର୍ଡ ଭିତରେ ନିଜ ସ୍ଥାନ ବଜାୟ ରଖିବାକୁ ପଡ଼ୁଥିଲା । ଯେଉଁ ପ୍ରତିଯୋଗୀ ବୋର୍ଡ ବାହାରେ ରହିଯିବେ କିମ୍ବା ତାଙ୍କୁ ବାହାରକୁ ଟାଣି ଅଣାଯିବ, ସେ ଟାସ୍କରୁ ବାଦ୍ ପଡ଼ିବେ । ପ୍ରୋମୋରେ ସ୍କାଉଟ୍ ଗୁଲୁଙ୍କୁ ବୋର୍ଡ ବାହାରକୁ ଟାଣି ଆଣୁଥିବା ଦେଖାଯାଇଛି । ଏହାକୁ ନେଇ ୟଙ୍ଗ ଡିଏସ୍‌ଏ ମନ୍ତବ୍ୟ ଦେଇ କହିଥିଲେ, “ସେହି ମୂର୍ଖକୁ ବହୁତ ଭଲ ଭାବରେ ବାହାରକୁ ଟାଣି ଅଣାଗଲା ।” ଏହି ମନ୍ତବ୍ୟ ପରେ ଗୁଲୁ ଓ ୟଙ୍ଗଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା ।

ଏହି ଘଟଣା ପାଇଁ ଗୁଲୁଙ୍କ ବିରୋଧରେ ଶୋ’ର ନିର୍ମାତାମାନେ କୌଣସି ଶୃଙ୍ଖଳାଗତ ପଦକ୍ଷେପ ନେବେ କିମ୍ବା ତାଙ୍କୁ ଶୋ’ରୁ ବାହାର କରିବେ, ତାହା ମଧ୍ୟ ଜଣାପଡ଼ିନାହିଁ । ତେବେ ନୂଆ ପ୍ରୋମୋ ସାମ୍ନାକୁ ଆସିବା ପରେ ସୋସିଆଲ୍ ମିଡିଆରେ ଦର୍ଶକମାନେ ବିଭିନ୍ନ ମତ ରଖିଛନ୍ତି । କିଛି ଦର୍ଶକ ଶୋ’ରେ ଶାରୀରିକ ହିଂସାକୁ ନିନ୍ଦା କରିବା ସହ ଗୁଲୁଙ୍କ ବିରୋଧରେ କଠୋର ପଦକ୍ଷେପ ନେବାକୁ ଦାବି କରିଛନ୍ତି।

Powered by Froala Editor