ନବୀନଙ୍କ ଫଟୋରେ କାଳି ବୋଳିଲେ

ଟିଟିଲାଗଡ଼: ଆସନ୍ତାକାଲି ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟିଟିଲାଗଡ଼ ଗସ୍ତରେ ଆସୁଛନ୍ତି। ଟିଟିଲାଗଡ଼ଠାରେ ବଲାଙ୍ଗୀର ଜିଲାସ୍ତରୀୟ ବିଜୁ ସ୍ୱାସ୍ଥ୍ୟ ଯୋଜନା ସ୍ମାର୍ଟ କାର୍ଡ ବଣ୍ଟନ ତଥା ବିଭିନ୍ନ ପ୍ରକଳ୍ପର ଶିଳାନ୍ୟାସ, ଉଦଘାଟନ କରିବା କାର୍ଯ୍ୟକ୍ରମ ରହିଛି। ତେବେ ଟିଟିଲାଗଡ଼ ପୌରାଞ୍ଚଳରେ ପାନୀୟ ଜଳ ସମସ୍ୟା ଦିନକୁ ଦିନ ଉତ୍କଟ ହେଉଛି। ସାତ ଆଠ ଦିନରେ ଥରେ ଜନ ସ୍ୱାସ୍ଥ୍ୟ ବିଭାଗ ଜଳ ଯୋଗାଣ କରୁଛି। ଏହାକୁ ନେଇ ମଙ୍ଗଳବାର ସ୍ଥାନୀୟ ଝାଙ୍କରପଡା, ଦେବନ୍ଧ ପଡାବାସୀ ନବୀନଙ୍କ ଫଟୋ ସହ ଜଳ ଜୀବନ ମିଶନ ହୋର୍ଡିଙ୍ଗ ତଳେ ବିକ୍ଷୋଭ ପ୍ରଦର୍ଶନ କରିଥିଲେ। ନବୀନଙ୍କ ଫଟୋରେ କାଳି ବୋଳିଥିଲେ। ବିଜେପି ରାଜ୍ୟ ଯୁବ ମୋର୍ଚା ସଦସ୍ୟ ନରସିଂହ ସିଂ, ଜିଲା ଯୁବ ସମ୍ପାଦକ ପବିତ୍ର ସାହୁ ତଥା ବହୁ ସଂଖ୍ୟାରେ ମହିଳା ଉପସ୍ଥିତ ଥିଲେ।
Powered by Froala Editor