ଗଣେଶ ପୂଜା ପ୍ରସାଦ ଖାଇ ୩୦୦ ଅସୁସ୍ଥ
କାଶୀନଗର: ଗଣେଶ ପୂଜା ପ୍ରସାଦ ସେବନ କରି ଗୋଟିଏ ଗ୍ରାମର ୩ ଶହ ଲୋକ ଅସୁସ୍ଥ ହୋଇପଡ଼ିଛନ୍ତି । ଏହି ଘଟଣା ଘଟିଛି କାଶୀନଗର ବ୍ଲକ ଅନ୍ତର୍ଗତ କିଡିଗାଁରେ । ଗତକାଲି ଗ୍ରାମରେ ଗଣେଶ ପୂଜା ଉପଲକ୍ଷେ ପ୍ରସାଦ ସେବନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଉକ୍ତ ଗ୍ରାମର ପ୍ରାୟ ୪୦୦ ଜଣ ଅନ୍ନପ୍ରସାଦ ସେବନ କରିଥିଲେ । ପ୍ରସାଦ ସେବନ କରିବା ପରଠାରୁ ଜଣକ ପରେ ଜଣେ ଏପରି କତକାଲି ରାତି ସୁଦ୍ଧା ପ୍ରାୟ ୩ ଶହ ଲୋକ ଅସୁସ୍ଥ ହୋଇ ପଡ଼ିଥିଲେ । ସମସ୍ତେ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିଲେ । ସେମାନଙ୍କ ମଧ୍ୟରୁ କେବଳ ୪୬ ଜଣ କାଶୀନଗର ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି । ଏଇଭଳି ଏକ ସମ୍ବେଦନଶୀଳ ଖବର ପାଇ କାଶୀନଗର ଡାକ୍ତରଖାନାର ଭାରପ୍ରାପ୍ତ ଅଧିକାରୀ ଡାକ୍ତରୀ ଦଳ ସହ ଗ୍ରାମରେ ପହଞ୍ଚି ସମସ୍ତଙ୍କ ସ୍ୱାସ୍ଥ୍ୟ ଯାଞ୍ଚ କରିଥିଲେ । ଗ୍ରାମରେ ୧୪୬ ଜଣଙ୍କୁ ଚିକିତ୍ସା କରି ଔଷଧ ପ୍ରଦାନ କରିଛନ୍ତି । ଚିକିତ୍ସା ପରେ ପ୍ରାୟ ଲୋକେ ସୁସ୍ଥ ଅନୁଭବ କରିଥିବା ଏବଂ କୌଣସି ପ୍ରକାର ଚିନ୍ତାଜନକ ସ୍ଥିତି ଆଉ ନାହିଁ ବୋଲି ଡାକ୍ତରୀ ଦଳ ପ୍ରକାଶ କରିଛନ୍ତି ।
Powered by Froala Editor
