ରାସ୍ତାରେ ଶବ୍ଦ ପ୍ରଦୂଷଣ ଚିନ୍ତାର କାରଣ ସାଜିଛି । କର୍କଶ ଶବ୍ଦ ଜନସାଧାରଣଙ୍କୁ ମାନସିକସ୍ତରରେ ଦୋହଲେଇ ଦେଉଛି । ତେଣୁ ଗାଡ଼ି ଗୁଡ଼ିକରେ ହର୍ଣ୍ଣ ଓ ସାଇରନ୍‌ର ଶବ୍ଦରେ ତବଲା, ହାରମୋନିୟମ୍‌, ବଇଁଶୀ ଓ ବିଗୁଲ ଭଳି ହିନ୍ଦୁସ୍ତାନୀ ବାଦ୍ୟର ସ୍ୱର ଶୁଣାଯିବ । ଏନେଇ କେନ୍ଦ୍ରୀୟ ସଡ଼କ ପରିବହନ ଓ ରାଜମାର୍ଗ ମନ୍ତ୍ରୀ ନିତିନ୍‌ ଗଡ଼କରୀଙ୍କର ସୂଚନା ଦେଇଛନ୍ତି । ଏହି ଦିଗରେ ତାଙ୍କର ମନ୍ତ୍ରାଳୟ କାମ କରୁଛି ବୋଲି ସେ କହିଛନ୍ତି ।  ଏଥିରେ ଦୁଇଟି ଲାଭ ହେବ । ଗୋଟିଏ ତ ଧ୍ୱନୀ ପ୍ରଦୂଷଣ ହ୍ରାସ ପାଇବ , ଅନ୍ୟଟି ବନ୍ୟ ଜୀବନର ସଂରକ୍ଷଣରେ ମଧ୍ୟ କାମ ଆସିବ ।

କେନ୍ଦ୍ରୀୟ ମନ୍ତ୍ରୀ ନିତିନ୍‌ ଗଡ଼କରୀ ଗୁରୁବାର ଦିଲ୍ଲୀ ଓ ମୁମ୍ୱାଇ ମଧ୍ୟରେ ନବୀକରଣ ଭାବେ ତିଆରି କରାଯାଉଥିବା ( ଗ୍ରୀନ୍‌ଫିଲ୍‌ଡ) ଏକ୍ସପ୍ରେସ୍‌- ୱେର ନିରୀକ୍ଷଣ କରିବାକୁ ରାଜସ୍ଥାନର ଦୌସାରେ ପହଞ୍ଚି ଥିଲେ । ଏହି ସମୟରେ ଏକ କାର୍ଯ୍ୟକ୍ରମ ସମୟରେ ସେ ୯୦,୦୦୦କୋଟି ଟଙ୍କାରୁ ଅଧିକ ମୂଲ୍ୟର ଏହି ପ୍ରୋଜେକ୍ଟର ସୂଚନା ଦେଇଥିଲେ । ଗଡ଼କରୀ କହିଥିଲେ କି ଏକ୍ସପ୍ରେସ୍‌-ୱେ ରନ୍ଥାମ୍ୱୋର ଓ ମୁକୁନ୍ଦରା ହିଲ୍‌ସର ଟାଇଗର ରିଜର୍ଭ ଦେଇ ମଧ୍ୟ ଯିବ । ବନ୍ୟ ଜୀବନକୁ ଏହି ପ୍ରୋଜେକ୍ଟରେ ଯେମିତି କୌଣସି କ୍ଷତି ନହେବ ଏଥିପାଇଁ ସରକାର ଅଧିକ ଅର୍ଥ ଲଗେଇ ଏହି ସ୍ଥାନ ଗୁଡ଼ିକରେ ଏଲିଭେଟେଡ୍‌ ରୋଡ୍‌ ନିର୍ମାଣ କରୁଛନ୍ତି । 

Powered by Froala Editor