ବଢ଼ିଲା ଚିନ୍ତା; ଆଟଲାଣ୍ଟ ଚିଡ଼ିଆଖାନାରେ ୧୩ ଗରିଲା ପଜିଟିଭ୍
ନୂଆଦିଲ୍ଲୀ: କରୋନା ମହାମାରୀରେ ଏବେ ସାରା ଦେଶ କବଳିତ । ଟିକାକରଣ ସତ୍ତ୍ୱେ ଏହାକୁ ରୋକି ହେଉନି । ଏଭଳି ପରିସ୍ଥିତିରେ ଏବେ ମଣିଷ ପରେ ପଶୁଙ୍କଠାରେ ଚିହ୍ନଟ ହୋଇଛି ଏହି ଅଜଣା ଭୂତାଣୁ । ଜର୍ଜିଆସ୍ଥିତ ଆଟଲାଣ୍ଟା ଚିଡ଼ିଆଖାନାର ୧୩ ଗରିଲା ପଜିଟିଭ ଚିହ୍ନଟ ହୋଇଛନ୍ତି । ଯାହାକି ଚିନ୍ତାର ବିଷୟ ପାଲଟିଛି ।
ଚିଡ଼ିଆଖାନା କର୍ତ୍ତୃପକ୍ଷ କହିଛନ୍ତି, କିଛି ଗରିଲା ଅସୁସ୍ଥ ଥିବା କର୍ମଚାରୀ ଲକ୍ଷ୍ୟ କରିଥିଲେ । ସେମାନଙ୍କ ନାକରୁ ପାଣି ବାହାରିବା ସହ କଫ ବି ହୋଇଥିଲା । ଏଥିସହ ସେମାନଙ୍କ ଗତିବିଧିରେ ପରିବର୍ତ୍ତନ ଲକ୍ଷ୍ୟ କରାଯାଇଥିଲା । ଏହାପରେ ସେମାନଙ୍କ ନମୁନା ସଂଗ୍ରହ କରାଯାଇ ଚିଡ଼ିଆଖାନା ଭିତରେ ଥିବା ଲ୍ୟାବ୍ରେ ପରୀକ୍ଷା ହୋଇଥିଲା । ୨୦ ଗରିଲାଙ୍କ ମଧ୍ୟରୁ ୧୩ ପଜିଟିଭ ଚିହ୍ନଟ ହୋଇଛି । ତେବେ ଏଥିରେ ରିପୋର୍ଟ ପୁନଃ ଯାଞ୍ଚ ପାଇଁ ଏହାକୁ ଲେୱାସ୍ଥିତ ଜାତୀୟ ଭେଟେରାନି ସର୍ଭିସ ଲ୍ୟାବ୍କୁ ପଠାଯାଇଛି ।
ଗରିଲାଙ୍କ ଯତ୍ନ ନେଉଥିବା କିଛି କର୍ମଚାରୀଙ୍କଠାରୁ ସେମାନଙ୍କ ନିକଟକୁ ଏହି ଭାଇରସ ବ୍ୟାପିଥିବା ଅନୁମାନ କରାଯାଉଛି । ହେଲେ କର୍ମଚାରୀମାନେ ଡବଲ ଡୋଜ୍ ଟିକା ନେଇ ସାରିଥିବାରୁ ସେମାନଙ୍କ ନିକଟରୁ ଗରିଳାଙ୍କୁ କୌଣସି ବିପଦ ନାହିଁ ବୋଲି କର୍ତ୍ତୃପକ୍ଷ କହିଛନ୍ତି ।
ଗରିଲାମାନେ ଏକତ୍ରିତ ହୋଇ ରହୁଥିବାରୁ ସେମାନଙ୍କୁ ଆଇସୋଲେସନରେ ରଖିବା କଷ୍ଟକର । ଆଟଲାଣ୍ଟା ଚିଡ଼ିଆଖାନା ପକ୍ଷରୁ ଖୁବ୍ଶୀଘ୍ର ସମସ୍ତ ଗରିଲାଙ୍କୁ ଟିକାକରଣ କରାଯିବ ବୋଲି କର୍ତ୍ତୃପକ୍ଷ କହିଛନ୍ତି ।
Powered by Froala Editor
