ନୂଆଁଖାଇ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ମହକୁଛି ପଶ୍ଚିମ ଓଡ଼ିଶା । ଆଜି ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ। ନୂଆଁଖାଇର ପରସରେ ଉତ୍ସବମୁଖର ଗାଁଠୁ ସହର । ଘରେ ଘରେ ପିଠାପଣାର ଆସର । ଇଷ୍ଟଦେବୀଙ୍କଠାରେ ନବାନ୍ନ ଲାଗି ପରେ ସବୁ ପରିବାର ବର୍ଗ ଏକାଠି କରିବେ ନବାନ୍ନ ଭକ୍ଷଣ । ଘରର ସାନମାନେ ଗୁରୁଜନଙ୍କୁ ମୁଣ୍ଡିଆ ମାରି ଆଶୀର୍ବାଦ ଲୋଡ଼ିବେ । ଏହାପରେ ଚାଲିବ ନୂଆଁଖାଇ ଭେଟଘାଟ ।
ନୂଆଁଖାଇ ଅବସରରେ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡ଼ିଆରେ ଟ୍ୱିଟ୍ କରି ନୂଆଁଖାଇ ଜୁହାର ଲେଖିଛନ୍ତି ପ୍ରଧାନମନ୍ତ୍ରୀ । ଏହି ପବିତ୍ର ଦିନ ଅବସରରେ ସମସ୍ତଙ୍କୁ ଶୁଭକାମନା ଜଣାଇଛନ୍ତି । ସେହିପରି କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା ମଧ୍ୟ ନୂଆଖାଇ ଶୁଭେଚ୍ଛା ଜଣାଇଛନ୍ତି ।
Powered by Froala Editor
