ପାର୍ବଣ ମୂର୍ତ୍ତି ଉଚ୍ଚତା ନେଇ ବୁଧବାର ହେବ ବୈଠକ
ଭୁବନେଶ୍ୱର: ପାର୍ବଣ ମୂର୍ତ୍ତି ଉଚ୍ଚତା ନେଇ ବୁଧବାର ହେବ ବୈଠକ । କଟକର ଶାନ୍ତି କମିଟି ଓ ପୂଜା କମିଟି ସଦସ୍ୟଙ୍କୁ ଆମନ୍ତ୍ରଣ କରାଯାଇଛି । ମୁଖ୍ୟ ଶାସନ ସଚିବ ଓ ଏସଆରସିଙ୍କ ସହ ପୂର୍ବାହ୍ନରେ ସଚିବାଳୟରେ ହେବ ଆଲୋଚନା । ଆଜି ବିଧାନସଭାରେ ଉଠିଥିଲା ଦୁର୍ଗାପୂଜା ପ୍ରସଙ୍ଗ । କଟକ ସହର ସହ ସାରା ରାଜ୍ୟରେ ମୂର୍ତ୍ତି ଉଚ୍ଚତାରେ କଟକଣା ନରଖିବାକୁ ଅନୁମତି ଦିଆଯାଉ ବୋଲି ଦାବି କରିଥିଲେ ବିଧାୟକ । ସମସ୍ତଙ୍କୁ ପୂଜା କରିବା ପାଇଁ ସୁଯୋଗ ଦିଆଯାଉ ବୋଲି ଦାବି କରାଯାଇଥିଲା । ଏ ନେଇ ବାଚସ୍ପତି ରୁଲିଂ ଦେବା ପାଇଁ ଗୃହରେ ଦାବି ହୋଇଥିଲା । ବାଚସ୍ପତି ଏହି ପ୍ରସଙ୍ଗରେ ପୁନଃବିଚାର କରିବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।
Powered by Froala Editor
