କଇଁଚିରେ ଛିଣ୍ଡିଲାନି ରିବନ୍, ଦାନ୍ତ ଲଗାଇଦେଲେ ମନ୍ତ୍ରୀ
ଉଦ୍ଘାଟନ ବେଳେ କଇଁଚିରେ କଟିଲାନି ରିବନ୍ । ଆଉ କିଛି ଉପାୟ କରିବା ପୂର୍ବରୁ ଉଦ୍ଘାଟନ କରୁଥିବା ମନ୍ତ୍ରୀ ସଙ୍ଗେ ସଙ୍ଗେ ଦାନ୍ତରେ ରିବନ୍ ଛିଣ୍ଡାଇ ପକାଇଥିଲେ । ଏହା ଦେଖି ସେଠାରେ ଉପସ୍ଥିତ ଲୋକେ ମୁରୁକି ହସିଥିଲେ ହେଁ କେହି କିଛି କହିନଥିଲେ । ତେବେ ୨୧ ସେକେଣ୍ଡର ଏହି ମଜାଦାର ଭିଡିଓ ଆସିବା ପରେ ହଜାର ହଜାର ଲୋକ ସେୟାର କରିଛନ୍ତି ।
ସୂଚନା ଅନୁସାରେ, ସେପ୍ଟେମ୍ବର ୨ ତାରିଖରେ ପାକିସ୍ତାନ ଜେଲ ବିଭାଗର ମନ୍ତ୍ରୀ ତଥା ପଞ୍ଜାବ ପ୍ରଦେଶର ମୁଖପାତ୍ର ଫୟାଜ ଉଲ ହାସନ ଚୌହାନ ରାୱଲପିଣ୍ଡି ନିର୍ବାଚନମଣ୍ଡଳୀରେ ଗୋଟିଏ ଇଲେକ୍ଟ୍ରୋନିକ୍ସ ଦୋକାନ ଉଦଘାଟନ କରିବାକୁ ଆସିଥିଲେ। ତାଙ୍କୁ ଦୋକାନର ଫିତା କାଟି ଉଦ୍ଘାଟନ କରିବାକୁ କଇଁଚି ଦିଆଯାଇଥିଲା। ହେଲେ ସେ କଇଁଚିରେ ରିବନକୁ ବାରମ୍ବାର କାଟିବାକୁ ଚେଷ୍ଟା କରିଥିଲେ ହେଁ ସଫଳ ହୋଇ ହୋଇ ନଥିଲେ। ଶେଷରେ ସେ କଇଁଚିକୁ ନିଜ ପାଖରେ ଥିବା ଜଣେ ବ୍ୟକ୍ତିଙ୍କୁ ଦେଇ ଦାନ୍ତରେ ଫିତା କାଟିବା ଆରମ୍ଭ କରିଥିଲେ। ଦାନ୍ତରେ ଫିତା କାଟି ବିଧିବଦ୍ଧ ଭାବେ ଦୋକାନକୁ ଉଦଘାଟନ କରିଥିଲେ। ମନ୍ତ୍ରୀ ଫୟାଜଙ୍କ ଏପରି ଦାନ୍ତରେ ଫିତା କାଟିବା ଦେଖି ତାଙ୍କ ପାଖରେ ଉପସ୍ଥିତ ଥିବା ଲୋକମାନେ ହସିଥିଲେ।
Powered by Froala Editor
