କୁଏତ ବିଶାଳ ଟାୟାର ଗଦାରେ ନିଆଁ, ସାଟେଲାଇଟ୍ରୁ ଆସିଲା ଭୟଙ୍କର ଚିତ୍ର
କୁଏତର ସୁଲେବିଆ ଅଞ୍ଚଳରେ ଥିବା ବିଶାଳ ଟାୟାର ଗଦାରେ ଭୟଙ୍କର ନିଆଁ ଲାଗିଛି । ସୁଲେବିଆ ଅଞ୍ଚଳ ବାଲିଆ ମାଟିରେ ଖୋଳା ଯାଇଥିବା ବିଶାଳ ଗାଡରେ ପ୍ରାୟ ୭୦ ଲକ୍ଷ ଟାୟାର ପଡିଥିଲା। ଛଅ ଏକରରେ ପରିବ୍ୟାପ୍ତ ଏହି ଜାଗାରେ ନିଆଁ ଲାଗିବା ଦ୍ୱାରା ଭୟଙ୍କର ଭାବେ ନିଆଁ ଉପରକୁ ଉଠିଥିଲା । ଏଠାରୁ ଏମିତି ନିଆଁ ଜଳୁଛି ଯେ, ସାଟେଲାଇଟ୍ରେ କଏଦ ହୋଇଛି। ଏହା ପୂର୍ବରୁ ୨୦୧୨ରେ କୁଏତର ଏକ ଅନ୍ୟ ଡାୟାର ଡମ୍ପିଂରେ ନିଆଁ ଲଗାଯାଇ ୫୦ ଲକ୍ଷ ଟାୟାର ନଷ୍ଟ କରାଯାଇଥିଲା।
ଉଲ୍ଲେଖନୀୟ, ଅନେକ ଦେଶ ପାଇଁ ବ୍ୟବହାର କରାଯାଉଥିବା ଟାୟାରକୁ ନଷ୍ଟ କରିବା ବଡ ସମସ୍ୟା ଭାବେ ଉଭା ହୋଇଛି। ଟାୟାର ଜଳିଲେ ସେଥିରୁ କାର୍ସିନୋଜୋନିକ ଡାଇଅକ୍ସାଇନ୍ସ ନିର୍ଗତ ହୋଇଥାଏ। କୁହାଯାଉଛି ଏହି ଟାୟାର କୁଏତ ଓ ଅନ୍ୟ ଦେଶର। ନିଜ ଦେଶରୁ ଟାୟାର ନେଇଯିବା ପାଇଁ କୁଏତକୁ ଟଙ୍କା ମଧ୍ୟ ଦିଆଯାଇଛି। ତେବେ ଏହି ନିଆଁ ଦେଖି କୁଏତ ସରକାରଙ୍କୁ ନେଇ ଅନେକ ପ୍ରଶ୍ନ ଉଠିଛି । କାରଣ କୁଏତରେ ତାପମାତ୍ରା ୫୦ ଡିଗ୍ରୀ ସେଲସିୟସ ରହିଥାଏ।
Powered by Froala Editor
