ଏକ ଅଦ୍ଭୁତ ମାଛ : ଯାହାର ଦାନ୍ତ ମଣିଷ ଭଳି...
ଏକ ଅଦ୍ଭୁତ ମାଛ ଧରାପଡିଛି । ଯାହାର ଦାନ୍ତ ପୂରା ମଣିଷ ଭଳି । ଏହି ମାଛ ଦେଖିବାକୁ ମଜାଳିଆ । ଆମେରିକାର ଉତ୍ତର କାରୋଲିନାର ଉପକୂଳରେ ଜଣେ ମାଛ ଧରାଳି ଏକ ବିରଳ ମାଛ ଧରିଛନ୍ତି । ଏହି ମାଛର ଓଜନ ସାଧାରଣତଃ ୫ରୁ ୧୫ ପାଉଣ୍ଡର । ଉତ୍ତର କାରୋଲିନାର ଉପକୂଳବର୍ତ୍ତୀ ଅଞ୍ଚଳରେ ଏମାନେ ଦେଖାଯାଆନ୍ତି । ଶେୟାର ହେବା ପରଠୁ ମାଛର ଫଟୋ ଭାଇରାଲ ହେଉଛି । ଜେନେଟ୍ସ ପିଅର ନାମକ ଫେସ୍ବୁକ୍ ପେଜ୍ରେ ମାଛର ଫଟୋ ଶେୟାର କରାଯାଇଛି ।
ଫଟୋ ସହିତ କ୍ୟାପ୍ସନରେ ଉଲ୍ଲେଖ ହୋଇଛି ‘ଧୀବର ନଥନ୍ ମାର୍ଟିନ୍ ସୁନ୍ଦର ଦାନ୍ତଯୁକ୍ତ ଶିପ୍ଶେଡ୍ ମାଛ ଧରିଛନ୍ତି ।’ ଗୋଟିଏ ଫଟୋରେ ଏହି ଶିପ୍ଶେଡ୍ ମାଛ ନିଜର ଦାନ୍ତକୁ ଦେଖାଇଛି, ଯାହା ସମ୍ପୂର୍ଣ୍ଣ ମଣିଷ ଦାନ୍ତ ଭଳି । ଶିପ୍ଶେଡ୍ ମାଛ ସାଧାରଣତଃ ପଥର, ଶୈବାଳ, ଏମିତିକି ପୋଲ ନିକଟରେ ଦେଖିବାକୁ ମିଳନ୍ତି । ଚର୍ମରେ ବିରଳ କଳା-ଧଳା ପଟି ଯୋଗୁ ଏମାନେ ‘କନ୍ଭିକ୍ଟ ଫିଶ୍’ ଭାବେ ମଧ୍ୟ ପରିଚିତ । ସାଇଣ୍ଟିଫିକ୍ ଆମେରିକାନ୍ ଅନୁସାରେ, ଏମାନେ ସର୍ବହାରୀ ଜୀବ । ଶିକାର କରିବା ଲାଗି ଏମାନେ ନିଜ ସମ୍ମୁଖ ଦାନ୍ତ ପ୍ରୟୋଗ କରନ୍ତି ।
Powered by Froala Editor
