ଅମରିନ୍ଦରଙ୍କ ମୁଖ୍ୟ ପରାମର୍ଶଦାତା ପଦରୁ ପ୍ରଶାନ୍ତ କିଶୋରଙ୍କ ଇସ୍ତଫା
ଚଣ୍ଡିଗଡ଼: ପଞ୍ଚାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହଙ୍କ ମୁଖ୍ୟ ପରାମର୍ଶଦାତା ପଦବୀରୁପ୍ରଶାନ୍ତ କିଶୋର ଇସ୍ତଫା ଦେଇଛନ୍ତି । କ୍ୟାପଟେନ ଅମରିନ୍ଦର ସିଂହଙ୍କୁ ଚିଠି ଲେଖି ସେ ଏହା ଜଣାଇଛନ୍ତି । ସାର୍ବଜନୀନ ଜୀବନରୁ ସେ ସାମୟିକ ଭାବେ ବିରତି ନେବା ଉଦେ୍ଧଶ୍ୟରେ ଏଭଳି ନିଷ୍ପତ୍ତି ନେଇଥିବା ଚିଠିରେ ଉଲ୍ଲେଖ କରିଛନ୍ତି । ଆସନ୍ତା ବର୍ଷ ପଞ୍ଚାବରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ପ୍ରଶାନ୍ତ କିଶୋରଙ୍କ ଏହି ନିଷ୍ପତ୍ତି ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି । ସୂଚନା ଥାଉ କି, ପ୍ରଶାନ୍ତ କିଶୋର ଗତ କିଛି ଦିନ ତଳେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧିଙ୍କୁ ଦିଲ୍ଲୀରେ ସାକ୍ଷାତ କରିଥିଲେ । ଏହା ପରଠାରୁ ସେ କଂଗ୍ରେସରେ ସାମିଲ ହେବା ନେଇ ଚର୍ଚ୍ଚା ଜୋର ଧରିଥିଲା । ତେବେ ସେ ଏବେ ସାର୍ବଜନୀନ ଜୀବନରୁ ବିରତି ଚାହୁଁଥିବା ନେଇ ଘୋଷଣା କରିବା ପରେ ସେ କୌଣସି ରାଜନୈତିକ ଦଳରେ ମିଶିବା ନେଇ ହେଉଥିବା ଚର୍ଚ୍ଚାରେ ବ୍ରେକ ଲାଗିଛି ।
Powered by Froala Editor
