ମାସ ଆରମ୍ଭରୁ ସାଧାରଣ ଲୋକଙ୍କୁ ବଡ଼ ଝଟକା ଲାଗିଛି । ବଢିଲା କମର୍ସିଆଲ ଏଲପିଜି ସିରିଣ୍ଡର ଦର। ସେପ୍ଟେମ୍ବର ୧ ରେ ଜାରି ହୋଇଥିବା ନୂତନ ଦର ଅନୁସାରେ, 19 କିଲୋଗ୍ରାମ ବାଣିଜ୍ୟିକ ଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି କରାଯାଇଛି। ଏକାଥରେ ୯ ଟଙ୍କା ୫୦ ପଇସା ବଢିଛି କମର୍ସିଆଲ ଏଲପିଜି ସିଲିଣ୍ଡର ଦର । ତଥାପି, ଘରୋଇ ଏଲପିଜି ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ।

ତୈଳ କମ୍ପାନୀଗୁଡ଼ିକ ଏଲପିଜି ସିଲିଣ୍ଡର ମୂଲ୍ୟ ସମୀକ୍ଷା କରନ୍ତି ଏବଂ ନୂଆ ମୂଲ୍ୟ ଜାରି କରନ୍ତି । ସେପ୍ଟେମ୍ବର ପହିଲା ଅର୍ଥାତ, ଆଜି ବାଣିଜ୍ୟିକ ଗ୍ୟାସ ସିଲିଣ୍ଡର ମୂଲ୍ୟ ବୃଦ୍ଧି ହୋଇଛି । ଦିଲ୍ଲୀରେ ଏହାର ମୂଲ୍ୟ ୨୭୪୭.୫୦ରେ ପହଞ୍ଚିଛି । ଏହା ପ୍ରଥମ ଥର ନୁହେଁ ଯେ ଗ୍ୟାସ ସିଲିଣ୍ଡର ମୂଲ୍ୟରେ ପରିବର୍ତ୍ତନ ହୋଇଛି । ଏହି ବର୍ଷ ଗ୍ୟାସ ସିଲିଣ୍ଡର ମୂଲ୍ୟ ଅନେକ ଥର ପରିବର୍ତ୍ତନ ହୋଇଛି । 

ଏହି ନୂତନ ଦର ଜମ୍ମୁ ଏବଂ କଶ୍ମୀରରୁ କନ୍ୟାକୁମାରୀ ଏବଂ ଗୁଜରାଟରୁ ଉତ୍ତର-ପୂର୍ବ ରାଜ୍ୟ ପର୍ଯ୍ୟନ୍ତ ଅଞ୍ଚଳଗୁଡ଼ିକରେ କାର୍ଯ୍ୟକାରୀ ହୋଇଛି। ଏହି ପଦକ୍ଷେପ ସିଧାସଳଖ ହୋଟେଲ, ରେଷ୍ଟୁରାଣ୍ଟ ଏବଂ ଅନ୍ୟାନ୍ୟ ବାଣିଜ୍ୟିକ ପ୍ରତିଷ୍ଠାନକୁ ପ୍ରଭାବିତ କରିପାରିବ। ଯେତେବେଳେ ମୂଲ୍ୟ ବୃଦ୍ଧି ପାଏ, ରେଷ୍ଟୁରାଣ୍ଟ ଏବଂ ହୋଟେଲଗୁଡ଼ିକ ଖାଦ୍ୟ ସାମଗ୍ରୀର ମୂଲ୍ୟ ବୃଦ୍ଧି କରନ୍ତି, ଯାହା ସାଧାରଣ ଲୋକଙ୍କ ଉପରେ ମୁଦ୍ରାସ୍ଫୀତିର ବୋଝ ବୃଦ୍ଧି କରେ । ଏହି ସମୟରେ, ଘରୋଇ ଗ୍ରାହକମାନଙ୍କ ପାଇଁ ଆଶ୍ୱସ୍ତି ରହିଛି, କାରଣ 14.2 କିଲୋଗ୍ରାମ ଏଲପିଜି ସିଲିଣ୍ଡରର ମୂଲ୍ୟରେ କୌଣସି ବୃଦ୍ଧି ହୋଇନାହିଁ। 

Powered by Froala Editor