ସାବଧାନ : ଏଣିକି ଗାଡ଼ି ଧରପଗଡ଼ କରିବେ ପୁଲିସ
ଭୁବନେଶ୍ୱର : ଏଣିକି ରାଜ୍ୟରେ କଡ଼ାକଡ଼ି ହେବ ନୂଆ ମୋଟର ଯାନ ଆଇନ । ସବୁ ଛକରେ ଗାଡ଼ି ଚାଳକଙ୍କ ଡ୍ରାଇଭିଂ ଲାଇସେନ୍ସ (ଚାଳକ ପ୍ରମାଣପତ୍ର) ପ୍ରଦୂଷଣ ପ୍ରମାଣ ପାତ୍ର, ଶିରସ୍ତ୍ରାଣ (ହେଲମେଟ), ଗାଡ଼ି କାଗଜପତ୍ର ଭଳି ଦରକାରୀ ତଥ୍ୟ ଯାଞ୍ଚ କରାଯିବ । ନିୟମ ଉଲ୍ଲଂଘନ ଧରପଗଡ଼ କଡ଼ାକଡ଼ି ହେବା ସହ ନିୟମ ଭାଙ୍ଗିଲେ କାର୍ଯ୍ୟାନୁଷ୍ଠାନ ହେବ । ଦୀର୍ଘ ଦିନ ପରେ ଗାଡ଼ି ଚଳାଚଳ ସ୍ୱାଭାବିକ ହେଉଥିବାରୁ ରାଜ୍ୟ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ ଯାଞ୍ଚ ପ୍ରକି୍ରୟାକୁ ଜୋରଦାର କରିବାକୁ ନିଷ୍ପତ୍ତି ନିଆଯାଇଛି । ଖୁବଶୀଘ୍ର ବିଭାଗ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇବ । ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ଗଣମାଧ୍ୟମକୁ କହିଛନ୍ତି ଦୁର୍ଘଟଣା ହାର ବଢ଼ୁଥିବାରୁ ଆଇନକୁ ଏଣିକି କଡ଼ାକଡ଼ି କରାଯିବ ।
Powered by Froala Editor
