ତେଲଙ୍ଗାନା ନାଲଗୋଣ୍ଡା ଜିଲାର ଏକ ଘରୋଇ ସ୍କୁଲର ପ୍ରିନ୍ସିପାଲ ରୂପା ରେଡ୍ଡିଙ୍କଙ୍କ ହତ୍ୟା ଘଟଣାରେ ସ୍କୁଲର ଦୁଇ ଜଣ ଦଶମ ଶ୍ରେଣୀ ଛାତ୍ରଙ୍କୁ ଗିରଫ କରିଛି। ପୋଲିସର କହିବା ଅନୁଯାୟୀ, ହତ୍ୟା ପରେ ଉଭୟ ନାବାଳକ ବହୁଳ ଭାବରେ ଟଙ୍କା ଖର୍ଚ୍ଚ କରୁଥିଲେ ଏବଂ ବନ୍ଧୁମାନଙ୍କ ସହିତ ପାର୍ଟି କରୁଥିଲେ। ବୁଧବାର ସକାଳେ ସେମାନଙ୍କୁ ହେପାଜତକୁ ନିଆଯାଇଥିଲା। ପୋଲିସ ଜଣେ ନାବାଳକଙ୍କଠାରୁ ୧.୫୧ ଲକ୍ଷ ନଗଦ ଏବଂ ଏକ ଆଇଫୋନ ଜବତ କରିଛି। 

ରୂପା ତାଙ୍କୁ ଘରେ ଚୋରି କରୁଥିବା ଅବସ୍ଥାରେ ଦେଖିପକାଇଥିବାରୁ ଏବଂ ପୂର୍ବରୁ ଏକ ମୋବାଇଲ ଓ ଟଙ୍କା ଚୋରି ଅଭିଯୋଗରେ ସେହି ନାବାଳକକୁ ସ୍କୁଲରୁ ବାହାର କରିଦିଆଯାଇଥିବାରୁ ପ୍ରତିଶୋଧ ନେବା ପାଇଁ ତାଙ୍କୁ ହତ୍ୟା କରିଥିଲେ।

ଅଗଷ୍ଟ ୧୧ରେ ୩୫ ବର୍ଷୀୟା ରୂପା ଘରେ ଏକା ଥିଲେ ଯେତେବେଳେ ତାଙ୍କ ମୃତଦେହ ମିଳିଥିଲା; ପୋଲିସ କହିଛି ଯେ ତାଙ୍କୁ ୨୭ ଥର ଛୁରୀ ମାଡ଼ କରାଯାଇଥିଲା। ତାଙ୍କ ମାଉସୀଙ୍କ ସହ ତାଙ୍କର ଶେଷ ଫୋନ କଥାବାର୍ତ୍ତାରୁ ଏକ ଗୁରୁତ୍ୱପୂର୍ଣ୍ଣ ସୂଚନା ମିଳିଲା। କଲ ଶେଷ ହେବା ପୂର୍ବରୁ, ସେ ‘ବାବୁ’ ଶବ୍ଦ ଉଚ୍ଚାରଣ କରିଥିଲେ, ଯାହା ତଦନ୍ତକାରୀଙ୍କୁ ସ୍କୁଲ ଛାତ୍ରମାନଙ୍କ ସମ୍ପୃକ୍ତି ସନ୍ଦେହ କରିବାକୁ ବାଧ୍ୟ କରିଥିଲା।

ହତ୍ୟାକାଣ୍ଡର ପ୍ରାୟ ୫ ଦିନ ପୂର୍ବରୁ ଏହି ଯୋଜନା କରାଯାଇଥିଲା । ସେମାନେ ସ୍କୁଲରେ ଫିସ୍ ଜମା ହେଉଥିବା ଦିନକୁ ବାଛିଥିଲେ ଯାହାଫଳରେ ଘରେ ବହୁ ପରିମାଣର ନଗଦ ଟଙ୍କା ମିଳିପାରିବ । ଘଟଣା ଦିନ ଜଣେ ନାବାଳକ କାନ୍ଥ ଡେଇଁ ଘର ଭିତରକୁ ପଶିଥିଲା ଏବଂ ଅନ୍ୟଜଣେ ବାହାରେ ଜଗି ରହିଥିଲା। ହତ୍ୟା ପରେ ପ୍ରାୟ ୨.୫ ଲକ୍ଷ ଟଙ୍କା ଲୁଟି ନେଇ ସେମାନେ ପିନ୍ଧିଥିବା ପୋଷାକକୁ ଏକ ନାଳରେ ଫୋପାଡ଼ି ପ୍ରମାଣ ନଷ୍ଟ କରିବାକୁ ଚେଷ୍ଟା କରିଥିଲେ ।

Powered by Froala Editor