ମଣିଷରୁ କୁକୁର ହେଲେ ଯୁବକ, ଖର୍ଚ୍ଚ କରିଛନ୍ତି ୨୨୦ କୋଟି !
ଜାପାନର ୨୬ ବର୍ଷୀୟ କୋଟିପତି ଜାସୋ (Jaso) ନିଜକୁ କୁକୁର ଭଳି ଦେଖାଇବା ପାଇଁ ପ୍ରାୟ ୨୨୦ କୋଟି ଟଙ୍କା ଖର୍ଚ୍ଚ କରିଛନ୍ତି। ସୋସିଆଲ ମିଡିଆରେ ଏକ ଭିଡିଓ ଦ୍ରୁତଗତିରେ ଭାଇରାଲ ହେଉଛି, ଯାହାକୁ ଦେଖି ଲୋକେ ବିଭିନ୍ନ ପ୍ରକାରର କଥା କହୁଛନ୍ତି। କୁହାଯାଉଛି ଯେ, ଏଥିପାଇଁ ସେ ଅନେକ ସର୍ଜରୀ କରାଇଛନ୍ତି ଏବଂ ଏବେ ସେ କୁକୁର ଭଳି ଚାଲୁଛନ୍ତି, ଜୀବନଯାପନ କରୁଛନ୍ତି।
ଭାଇରାଲ ପୋଷ୍ଟ ଅନୁସାରେ, ଜାପାନର ୨୬ ବର୍ଷୀୟ କୋଟିପତି ଜାସୋ ନିଜର ପରିଚୟ ବଦଳାଇବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିଛନ୍ତି। ଦାବି କରାଯାଉଛି ଯେ, ସେ ପ୍ରାୟ ୨୨୦ କୋଟି ଟଙ୍କା ସର୍ଜରୀ ପାଇଁ ଖର୍ଚ୍ଚ କରିଥିଲେ, ଯାହା ଫଳରେ ତାଙ୍କ ରୂପ ଓ ହାବଭାବ ସମ୍ପୂର୍ଣ୍ଣ ଭାବେ କୁକୁର ଭଳି ଦେଖାଯିବ।
ପୋଷ୍ଟରେ ଆହୁରି ଦାବି କରାଯାଇଛି ଯେ, ଏବେ ସେ କୁକୁର ଭଳି ଚାଲୁଛନ୍ତି, ସେହିଭଳି ରହୁଛନ୍ତି। ତେବେ ଏହି ଦାବିର କୌଣସି ସରକାରୀ ପୁଷ୍ଟି ମିଳିନାହିଁ। ଏହା ସତ୍ତ୍ୱେ ଏହି ଭିଡିଓ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି।
Powered by Froala Editor
