ସ୍ବାସ୍ଥ୍ୟକେନ୍ଦ୍ର ଶଯ୍ୟାରେ ରୋଗୀଙ୍କ ବଦଳରେ ଶୋଉଛନ୍ତି ବୁଲା କୁକୁର
ରାମଚନ୍ଦ୍ରପୁର : କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ସାଇଁକୂଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ମାଳମାଳ କୁକୁର ଅନାୟାସରେ ବୁଲିଛନ୍ତି। ସ୍ବାସ୍ଥ୍ୟକେନ୍ଦ୍ର ଶଯ୍ୟାରେ ରୋଗୀଙ୍କ ବଦଳରେ ଶୋଉଛନ୍ତି ବୁଲା କୁକୁର। ଗୋଟିଏ ଶଯ୍ୟାରେ ରୋଗୀ ଶୋଇଥିବାବେଳେ ଅନ୍ୟ ଶଯ୍ୟାରେ ବୁଲା କୁକୁର ଶୋଇଛନ୍ତି। ସ୍ବାସ୍ଥ୍ୟକେନ୍ଦ୍ର ଦାୟିତ୍ବରେ ଅନେକ ଡାକ୍ତର, ସ୍ବାସ୍ଥ୍ୟ କର୍ମଚାରୀ ନିୟୋଜିତ ଥିଲେ ମଧ୍ୟ ବୁଲା କୁକୁର ଅନାୟାସରେ ସ୍ବାସ୍ଥ୍ୟକେନ୍ଦ୍ର ଭିତରେ ପଶି ରୋଗୀ ଶୋଉଥିବା ଶଯ୍ୟାରେ ଶୋଉଛନ୍ତି। ସ୍ବାସ୍ଥ୍ୟକେନ୍ଦ୍ର ଶଯ୍ୟାରେ କୁକୁର ଶୋଇବା ଫଳରେ ନାନା ରୋଗ ସଂକ୍ରମଣ ଭୟ ରହିଛି। ଫଳରେ ରୋଗୀ ଏଠାକୁ ସୁସ୍ଥ ହେବାକୁ ଆସୁଥିବାବେଳେ ରୋଗ କିଣି ଘରକୁ ନେଉଛନ୍ତି। ଏହି ଦୃଶ୍ୟ ଖାଲି ଆଜିର ନୁହେଁ, ଏହା ନିତିଦିନିଆ ଘଟଣାରେ ପରିଣତ ହେଲାଣି।ସାଇଁକୂଳ ସ୍ବାସ୍ଥ୍ୟକେନ୍ଦ୍ର ଲୋକଙ୍କୁ ସେବା ଯୋଗାଇବାରେ ବିଫଳ ହୋଇଥିବା ଅଭିଯୋଗ ହେଉଛି।
Powered by Froala Editor
