ଭୁବନେଶ୍ୱର:ରାଜ୍ୟରେ ବର୍ତ୍ତମାନ କୋରୋନା ସଂକ୍ରମଣ କମୁଥିବା ବେଳେ କିଛି ଜିଲ୍ଲାରେ ଏବେ ମଧ୍ୟ ସଂକ୍ରମଣ ବଢୁଛି । ତେବେ ରାଜ୍ୟରେ କୋରୋନାର ସ୍ଥିତି, ସମୟ ଓ ସଂକ୍ରମଣର ପରିସ୍ଥିତିକୁ ଦୃଷ୍ଟିରେ ରଖି ଅନଲକର ନିଷ୍ପତ୍ତି ନିଆଯିବ ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି ।

ଜୁଲାଇ ଅନଲକ ପ୍ରକ୍ରିୟା ଶେଷ ହେବାକୁ ଥିବା ବେଳେ ଆଗାମୀ ଅନଲକକୁ ନେଇ ମତ ରଖିଛନ୍ତି ଡିଏମଇଟି ସିବିକେ ମହାନ୍ତି । ବର୍ତ୍ତମାନ କଟକ ଓ ଖୋର୍ଦ୍ଧାରେ ସମ୍ପୂର୍ଣ୍ଣ ଅନଲକ ହେବାର ସମ୍ଭାବନା ନାହିଁ । ସ୍ଥିତି, ସମୟ ଓ ସଂକ୍ରମଣର ପରିସ୍ଥିତିକୁ ଅନୁଧ୍ୟାନ କରି ଅନଲକର ନିଷ୍ପତ୍ତି ନିଆଯିବ । ବିଶେଷଜ୍ଞ କମିଟି ଟିମ ଯାହା କହିବ ସେହି ଭାବରେ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି । ତେବେ ସମସ୍ତ ନିଷ୍ପତ୍ତି ସ୍ଥାୟୀ ନୁହେଁ । ରାଜ୍ୟରେ ସଂକ୍ରମଣର ସ୍ଥିତି ସ୍ଥିର ରହିଛି । ଗତ କିଛି ଦିନ ହେଲା ୧୬୦୦ରୁ ୧୭୦୦ ମଧ୍ୟରେ ସଂକ୍ରମଣ ରହୁଛି ।

ରାଜ୍ୟରେ ବିଶେଷ ଭାବରେ ସଂକ୍ରମଣ ବଢିନାହିଁ । ଏଣୁ ବିଭିନ୍ନ ଜିଲ୍ଲାର ସ୍ଥିତି ଓ ସଂକ୍ରମଣ ହାରକୁ ସମୀକ୍ଷା କରି ଅନଲକ ପ୍ରକ୍ରିୟାକୁ ରାଜ୍ୟ ସରକାର ତ୍ବରାନ୍ବିତ କରିବେ । ଜାତୀୟ ହାରରେ ରାଜ୍ୟର ସଂଖ୍ୟା ନଗଣ୍ୟ ରହିଛି । ସେପଟେ ରାଜ୍ୟରେ ବର୍ତ୍ତମାନ ସଂକ୍ରମଣ କମୁଥିବା ବେଳେ କିଛି ଜିଲ୍ଲାରେ ସଂକ୍ରମଣ ହାର ବଢ଼ିବାରେ ଲାଗିଛି । ସେହି ଜିଲ୍ଲା ଗୁଡିକ ଉପରେ ଗୁରୁତ୍ବ ଦେଇ ରାଜ୍ୟ ସରକାର ଅନଲକ ପ୍ରକ୍ରିୟା ସମ୍ପର୍କରେ ଚିନ୍ତା କରିବେ ବୋଲି କହିଛନ୍ତି ଡିଏମଇଟି ।

Powered by Froala Editor