ସିନେ ପ୍ରେମୀଙ୍କୁ 'KGF', 'Salaar' ଏବଂ 'Kantara' ଭଳି ବ୍ଲକବଷ୍ଟର ଫିଲ୍ମ ଦେଇଥିବା ହୋମ୍ବଲେ ଫିଲ୍ମସ୍ ପର୍ଶୁରାମ ଜୟନ୍ତୀ ଅବସରରେ ପ୍ରଶଂସକମାନଙ୍କୁ ଏକ ଉପହାର ଦେଇଛି। ଆନିମେଟେଡ ସିନେମା ‘ମହାବତାର ନରସିଂହା’ ପ୍ରଥମ ଭାଗର ସଫଳତା ପରେ ଏବେ ଦ୍ବିତୀୟ ଭାଗ ‘ମହାବତାର ପର୍ଶୁରାମ’ ଆସିବାକୁ ଯାଉଛି । ଯାହାକି ୨୦୨୭ ମସିହାରେ ରିଲିଜ୍ ହେବ ବୋଲି କୁହାଯାଉଛି । ଏବେ ଏହି ଫିଲ୍ମର ପୋଷ୍ଟର ବେଶ ଭାଇରାଲ ହେଉଥିବାବେଳେ ଦର୍ଶକେ ଏହାକୁ ପସନ୍ଦ କରୁଛନ୍ତି । 

ପୋଷ୍ଟର ରିଲିଜ୍ ହେବା ପରେ ୟୁଜର୍ସମାନେ ସକରାତ୍ମକ କମେଣ୍ଟମାନ ଦେଉଥିବା ଦେଖିବାକୁ ମିଳିଛି । ଜଣେ ୟୁଜର୍ସ ଲେଖିଛନ୍ତି କି, ୧୦୦୦ କୋଟିର ଫିଲ୍ମ ଲୋଡିଂ । ଅନେକ କମେଣ୍ଟରେ ଲେଖିଛନ୍ତି କି, ଆମେ ଏହି ଫିଲ୍ମକୁ ଚାହିଁ ରହିଥିଲୁ । ସେପଟେ ସିନେମାଟିକ୍ ବ୍ରହ୍ମାଣ୍ଡ ୧୨ ବର୍ଷରେ ୧୦ ଅବତାର ଫିଲ୍ମ ରିଲିଜ୍ କରିବ ବୋଲି କୁହାଯାଇଛି । ୨୦୩୬ ସୁଦ୍ଧା ସମସ୍ତ ଫିଲ୍ମ ରିଲିଜ ହେବାର ଯୋଜନା ରଖାଯାଇଛି । ପୌରାଣିକ କଥାବସ୍ତୁ ଉପରେ ଆଧାରିତ ଏହି ଆନିମେଟେଡ ପିଲ୍ମ ମଧ୍ୟ ଦର୍ଶକଙ୍କ ମହଲରେ ବେଶ ଆଦୃତ ହେବାରେ ଲାଗିଛି ।

ପ୍ରକାଶଥାଉ ଯେ ଏହା ଭଗବାନ ବିଷ୍ଣୁଙ୍କ ଦଶ ଅବତାର ଉପରେ ଆଧାରିତ ସାତ ଭାଗର ଆନିମେଟେଡ୍(Animated) 'ମହାଅବତାର ସିନେମାଟିକ୍ ୟୁନିଭର୍ସର'ର ଦ୍ୱିତୀୟ ପାର୍ଟ। ଏହା ପୂର୍ବରୁ 'ମହାଅବତାର ନରସିଂହ' ଫିଲ୍ମକୁ ବହୁତ ପସନ୍ଦ କରାଯାଇଥିଲା।

ହୋମ୍ବଲେ ଫିଲ୍ମସ ରବିବାର ତା’ର ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି "ମହାବତାର ପର୍ଶୁରାମ"ର ପ୍ରଥମ ପୋଷ୍ଟର ରିଲିଜ୍ କରିଛି। ପୋଷ୍ଟରଟି ହିନ୍ଦୀ, ଇଂରାଜୀ ଏବଂ ଅନ୍ୟାନ୍ୟ ଆଞ୍ଚଳିକ ଭାଷାରେ ରିଲିଜ୍ ହୋଇଛି, ଯାହା ସ୍ପଷ୍ଟ କରୁଛି ଯେ ଏହି ଫିଲ୍ମଟି ସମଗ୍ର ଭାରତୀୟ ସ୍ତରରେ ନିର୍ମିତ ହେବ। 

Powered by Froala Editor