ମହୁମାଛି ଆକ୍ରମଣରେ ୧ ଶହରୁ ଉର୍ଦ୍ଧ୍ବ ଲୋକ ଆହତ
କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଦୁର୍ଗମ ତିଲୋରୀ ପଞ୍ଚାୟତ ଡେମିଙ୍ଗିଆ ଗ୍ରାମରେ ମହୁମାଛି ଆକ୍ରମଣରେ ପ୍ରାୟ ୧ ଶହରୁ ଉର୍ଦ୍ଧ୍ବ ଲୋକ ଆହତ ହୋଇଛନ୍ତି । ଲୋକ କାଠରେ ରୋଷେଇ କରିବା ବେଳେ ଧୂଆଁ ଯୋଗୁଁ ଅଧିକା ଆକ୍ରମଣ କରୁଥିବା ବେଳେ ଡେମିଙ୍ଗିଆ ଦେଇ ଗାଡି ମୋଟର ଯାତାୟାତ ସମୟରେ ମହୁମାଛି ଆକ୍ରମଣ କରୁଥିବା ନେଇ ଅଭିଯୋଗ ହୋଇଛି ।
ଗ୍ରାମବାସୀ ଏନେଇ ବାରମ୍ବାର ବନ ବିଭାଗ ଏବଂ ସ୍ଥାନୀୟ ପ୍ରଶାସନକୁ ଅବଗତ କରାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ମହୁମାଛିଙ୍କୁ ଘଉଡ଼ାଇବାକୁ କୌଣସି ପଦକ୍ଷେପ ନିଆଯାଉନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏନେଇ ବନପାଳ ମନ୍ମଥ ପରିଛା କହିଥିଲେ ଯେ ସେ ଉକ୍ତ ଗ୍ରାମକୁ ବାରମ୍ବାର ଯାଇ ମହୁମାଛିଙ୍କୁ ଘଉଡ଼ାଇବା ପାଇଁ ଯୋଜନା ପ୍ରସ୍ତୁତ କରିଥିଲେ ମଧ୍ୟ କେହି ଏକ୍ସପର୍ଟ ନଥିବାରୁ ଏବଂ ପ୍ରାୟ ୨୫ ଟି ମହୁ ଫେଣା ରହିଥିବାରୁ ମହୁମାଛିଙ୍କୁ ଭୟ କରି ତାକୁ କେହି ଘଉଡ଼ାଇବାକୁ ଆଗ୍ରହ ହେଉନଥିବା କଥା କହିଛନ୍ତି ।
ଆସନ୍ତା ସପ୍ତାହ ମଧ୍ୟରେ ବନବିଭାଗ କିମ୍ବା ପ୍ରଶାସନ କାର୍ଯ୍ୟାନୁଷ୍ଠାନ ଗ୍ରହଣ ନକଲେ ରାଜରାସ୍ତାକୁ ଓହ୍ଲାଇବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି ।
Powered by Froala Editor
