ହିମାଚଳରେ ବର୍ଷା ସହ ବଜ୍ରପାତ ଆଶଙ୍କା
ଭାରତୀୟ ପାଣିପାଗ ବିଭାଗ (ଆଇଏମ୍ଡି) ଅନୁଯାୟୀ, ଉତ୍ତରର ପାହାଡ଼ିଆ ଓ ସମତଳ ଅଞ୍ଚଳରେ କିଛି ଦିନ ବାୟୁମଣ୍ଡଳ ଅଶାନ୍ତ ହେବାର ସମ୍ଭାବନା ରହିଛି । ଫଳରେ ମାର୍ଚ୍ଚ ୨୬ ତାରିଖରୁ କ୍ରମାଗତ ଦୁଇଟି ପଶ୍ଚିମା ବିଶୃଙ୍ଖଳା ପ୍ରବାହିତ ହେଉଥିବାରୁ ହିମାଚଳ ପ୍ରଦେଶରେ ବର୍ଷା ଓ ବଜ୍ରପାତ ହେବାର ସମ୍ଭାବନା ରହିଛି, ଯାହା ଅନେକ ନିମ୍ନ ଓ ମଧ୍ୟମ ଅଞ୍ଚଳରେ ହାଲୁକା ବର୍ଷା ଆଣିବ ଏବଂ ଉଚ୍ଚ ପାହାଡ଼ର ବିକ୍ଷିପ୍ତ ଅଞ୍ଚଳରେ ବର୍ଷା ହେବ ।
ଦିଲ୍ଲୀ ଓ ଏନ୍ସିଆର୍ ଅଞ୍ଚଳରେ ମାର୍ଚ୍ଚ ୨୬ ଅପରାହ୍ଣରେ ଘଣ୍ଟାପ୍ରତି ୨୦-୩୦ କିମି ବେଗରେ ପବନ ବହିବା ସହ ବଜ୍ରପାତ ଓ ଝିପିଝିପି ବର୍ଷା ହେବାର ସମ୍ଭାବନା ରହିଛି । ଏହି ସମୟରେ ତାପମାତ୍ରା ଅନିୟମିତ ଭାବରେ ପରିବର୍ତ୍ତନ ହେବ ବାଲି ଆଶା କରାଯାଉଛି । ପୂର୍ବ ସପ୍ତାହରେ ଉତ୍ତର-ପଶ୍ଚିମ ଭାରତରେ ବଜ୍ରପାତ ଓ ପ୍ରବଳ ପବନ ସହିତ ବର୍ଷା ହୋଇଥିଲା । ଆଇଏମ୍ଡି ଏହି ଢାଞ୍ଚାକୁ ଅଧ୍ୟୟନ କରି ନିଶ୍ଚିତ କରିଛି ଯେ, ଏପ୍ରିଲ୍ ପର୍ଯ୍ୟନ୍ତ ସମାନ ପାଣିପାଗ ଢାଞ୍ଚା ଜାରି ରହିବ । ବଡ଼ ଧରଣର ବଜ୍ରପାତ ହେବା ସହ ମାର୍ଚ୍ଚ ୨୬ରୁ ଏପ୍ରିଲ୍ ୧ ପର୍ଯ୍ୟନ୍ତ ସପ୍ତାହ ମଧ୍ୟରେ ପଶ୍ଚିମ ହିମାଳୟ ଅଞ୍ଚଳ ଓ ଉତ୍ତର-ପୂର୍ବ ଭାରତରେ ହାଲୁକାରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି ।
Powered by Froala Editor
