୨ଦିନ ପରେ ୨ରୁ ୩ଡିଗ୍ରୀ ପର୍ଯ୍ୟନ୍ତ ବଢ଼ିବ ତାତି
ଭୁବନେଶ୍ବର : ରାଜ୍ୟର ବିଭିନ୍ନ ଅଞ୍ଚଳରେ ତାପମାତ୍ରା ବଢ଼ୁଛି। ଝାରସୁଗୁଡ଼ାରେ ଦିନ ତାପମାତ୍ରା ୩୮ଡିଗ୍ରୀ ଛୁଇଁଥିବା ବେଳେ ୧୫ଟି ଅଞ୍ଚଳରେ ୩୫ଡିଗ୍ରୀ ଟପିଛି। ପାଣିପାଗ ବିଭାଗର ପୂର୍ବାନୁମାନ ଆସନ୍ତା ୨ଦିନ ପରେ ରାଜ୍ୟର ସର୍ବାଧିକ ତାପମାତ୍ରା ୨ରୁ ୩ଡିଗ୍ରୀ ପର୍ଯ୍ୟନ୍ତ ବଢ଼ିବ। ଗତ ୨୪ଘଣ୍ଟାରେ ବାରିପଦାରେ ଦିନ ତାପମାତ୍ରା ୩୫ ଡିଗ୍ରୀ ଛୁଇଁଥିବା ବେଳେ ସମ୍ବଲପୁରରେ ୩୬.୪, ସୁନ୍ଦରଗଡ଼ରେ ୩୬.୮, ହୀରାକୁଦରେ ୩୬.୪, ଭବାନୀପାଟଣାରେ ୩୬.୫, ବଲାଙ୍ଗିରରେ ୩୫.୮, ଟିଟିଲାଗଡ଼ରେ ୩୭.୫, ସୁବର୍ଣ୍ଣପୁରରେ ୩୫.୪, ନୟାଗଡ଼ରେ ୩୬.୮, ଢେଙ୍କାନାଳରେ ୩୭, ବରଗଡ଼ରେ ୩୫, ନୂଆପଡ଼ାରେ ୩୬.୮, ନବରଙ୍ଗପୁରରେ ୩୫.୫, ରାଉରକେଲାରେ ୩୬.୧, ଭୁବନେଶ୍ବରରେ ୩୩.୪ ଏବଂ କଟକରେ ୩୨.୮ଡିଗ୍ରୀ ରହିଛି। ତାତି ଯୋଗୁଁ ଏବେଠୁ ଲୋକମାନେ କଲବଲ ହେଲେଣି । ତାତି ଅସହ୍ୟ ହେଲାଣି ।
Powered by Froala Editor
