ଜ୍ୟୋତିଷ ପୀଠ ଶଙ୍କରାଚାର୍ଯ୍ୟ ସ୍ୱାମୀ ଅଭିମୁକ୍ତେଶ୍ୱରାନନ୍ଦ ସରସ୍ୱତୀଙ୍କ ବିରୋଧରେ ଯୌନ ଶୋଷଣ ଅଭିଯୋଗରେ ମାମଲା ରୁଜୁ ହୋଇଛି। ଅଭିଯୁକ୍ତ ଶଙ୍କରାଚାର୍ଯ୍ୟ ଓ ତାଙ୍କ ଶିଷ୍ୟ ଏହି ଅଭିଯୋଗକୁ ଦୃଢ଼ ଭାବେ ଖଣ୍ଡନ କରିଛନ୍ତି। ଏହା ଏକ ଷଡ଼ଯନ୍ତ୍ର ବୋଲି ସେମାନେ କହିଛନ୍ତି।

ଅଭିଯୋଗ ଅନୁଯାୟୀ,ଜଣେ ନାବାଳକ ସମେତ ଦୁଇ ଶିଷ୍ୟ ୧୩ ଜାନୁଆରୀ ୨୦୨୫ ରୁ ୧୫ ଫେବୃଆରୀ ୨୦୨୬ ମଧ୍ୟରେ ଯୌନ ଶୋଷଣ ଅଭିଯୋଗ କରିଥିଲେ। ଏଫଆଇଆରରେ ଦାବି କରାଯାଇଛି ଯେ କଥିତ ଘଟଣାଗୁଡ଼ିକ ୨୦୨୫ କୁମ୍ଭ ମେଳା ଏବଂ ୨୦୨୬ ପ୍ରୟାଗରାଜରେ ମାଘ ମେଳା ପାଖାପାଖି ଆୟୋଜିତ ଧାର୍ମିକ ଶିବିର ସମୟରେ ଘଟିଥିଲା। ଅଭିଯୋଗରେ ଆହୁରି କୁହାଯାଇଛି ଯେ ମାଘ ମେଳା ସମୟରେ ଶିବିର ପରିସର ଭିତରେ ଗାଡ଼ି ଭିତରେ ନିର୍ଯାତନା ଘଟିଥିଲା। ସ୍ଥାନୀୟ କୋର୍ଟଙ୍କ ହସ୍ତକ୍ଷେପ ପରେ ମାମଲା ରୁଜୁ କରାଯାଇଛି।

ଏଫଆଇଆରରେ ତାଙ୍କ ଶିଷ୍ୟ ମୁକୁନ୍ଦାନନ୍ଦ ବ୍ରହ୍ମଚାରୀଙ୍କ ସମେତ ଦୁଇରୁ ତିନି ଜଣ ଅଜଣା ବ୍ୟକ୍ତିଙ୍କ ନାଁ ମଧ୍ୟ ରହିଛି। ପୋଲିସ ଭାରତୀୟ ନ୍ୟାୟ ସଂହିତାର ପ୍ରାସଙ୍ଗିକ ଧାରା ଏବଂ ପୋସ୍କୋ ଆଇନର ବହୁବିଧ ଧାରା ଅନୁଯାୟୀ ଏକ ଏଫ୍ଆଇଆର୍ ରୁଜୁ କରିଛି। ଘଟଣାକୁ ନେଇ ଧର୍ମ ସହ ଜଡ଼ିତ ପ୍ରତିଷ୍ଠିତ ବ୍ୟକ୍ତିମାନଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।

ଘଟଣାରେ ମାମଲା ରୁଜୁ ହୋଇଥିବା ଜାଣିବା ପରେସ୍ୱାମୀ ଅଭିମୁକ୍ତେଶ୍ୱରାନନ୍ଦଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ସେ ସମସ୍ତ ଅଭିଯୋଗକୁ ଅସ୍ୱୀକାର କରିଛନ୍ତି।

Powered by Froala Editor