ବାସ୍ତୁ ଶାସ୍ତ୍ରରେ ମନି ପ୍ଲାଣ୍ଟକୁ ସୁଖ-ସମୃଦ୍ଧି ଓ ଆର୍ଥିକ ଉନ୍ନତିର ପ୍ରତୀକ ବୋଲି କୁହାଯାଏ । ମାନ୍ୟତା ଅନୁଯାୟୀ, ଏହି ଗଛ କେବଳ ଘରେ ଧନର ଅଭାବକୁ ଦୂର କରି ଧନ ଓ ସମୃଦ୍ଧିକୁ ଆକର୍ଷିତ କରେ ତାହା ନୁହେଁ ବରଂ ଘରକୁ ସକରାତ୍ମକ ଶକ୍ତି ମଧ୍ୟ ପ୍ରବେଶ କରିଥାଏ । ବାସ୍ତୁ ଅନୁସାରେ ମନିପ୍ଲାଣ୍ଟକୁ ସଠିକ୍‌ ଦିଗ ଓ ନିୟମର ସହ ରଖିବା ଦ୍ୱାରା ଶୁଭଫଳ ମିଳିଥାଏ ସେହିପରି ଭୁଲ୍‌ ଦିଗରେ ରଖିଲେ ବିପରୀତ ଫଳ ମିଳିଥାଏ । ଅଧିକାଂଶ ସମୟରେ ଦେଖିଥିବେ ଲୋକେ ମନିପ୍ଲାଣ୍ଟକୁ ନିଜ ଶୟନ କକ୍ଷରେ ଲଗାଇ ଥାନ୍ତି । ମାତ୍ର ବାସ୍ତୁ ଅନୁଯାୟୀ ଏହା ଠିକ୍‌ କି? ଅନେକ ଲୋକେ ଏହା ଜାଣି ନଥାନ୍ତି । ତେବେ ଜାଣନ୍ତୁ ବାସ୍ତୁ ଅନୁସାରେ ମନିପ୍ଲାଣ୍ଟକୁ ଶୟନ କକ୍ଷରେ ରଖିବା ଉଚିତ୍‌ କି ନୁହେଁ..
ଶୟନ କକ୍ଷରେ ବାସ୍ତୁ ଅନୁସାରେ ମନିପ୍ଲାଣ୍ଟ ଗଛ ଲଗାଇ ପାରିବେ। ମାତ୍ର ଏହାକୁ ସଠିକ୍‌ ଦିଗରେ ରଖିବା ଜରୁରୀ। ମନିପ୍ଲାଣ୍ଟକୁ ଶୟନ କକ୍ଷରେ ଦକ୍ଷିଣ-ପୂର୍ବ ଦିଗରେ ରଖିବା ସବୁଠାରୁ ଶୁଭ ବୋଲି କୁହାଯାଏ । ଏହାଦ୍ୱାରା ଆର୍ଥିକ କ୍ଷେତ୍ର ସହ ସମ୍ପର୍କ ମଜଭୁତ ହୋଇଥାଏ। ଦାମ୍ପତ୍ୟ ଜୀବନ ସୁଖମୟ ହୋଇଥାଏ।
ଶୟନ କକ୍ଷରେ ସଠିକ୍‌ ଦିଗରେ ମନିପ୍ଲାଣ୍ଟ ରଖିବା ଦ୍ୱାରା ପତି-ପତ୍ନୀଙ୍କ ସମ୍ପର୍କରେ ମଧୁରତା ଆସିଥାଏ। ଅଯଥାରେ କଳହ ହୋଇନଥାଏ । ପରିବାର ସଦସ୍ୟଙ୍କ ସହ ଉତ୍ତମ ବୁଝାମଣା ସହ ହସଖୁସିର ବାତାବରଣ ରହିଥାଏ। ଧନକୁ ଆକର୍ଷିତ କରିଥାଏ।
ବାସ୍ତୁ ଅନୁସାରେ ମନିପ୍ଲାଣ୍ଟକୁ ଘରେ ଲଗାଇବାର ସବୁଠାରୁ ଶୁଭ ଦିନ ହେଉଛି ଶୁକ୍ରବାର। ପତି-ପତ୍ନୀଙ୍କ ମଧ୍ୟରେ ଅଶାନ୍ତି ଓ କଳହ ଲାଗି ରହୁଥିଲେ ଶୁକ୍ରବାର ଦିନ ଶୟନ କକ୍ଷରେ ମନିପ୍ଲାଣ୍ଟ ଆଣି ରଖନ୍ତୁ। ଏହାଦ୍ୱାରା ଦାମ୍ପତ୍ୟ ଜୀବନ ସୁଖମୟ ହୋଇଥାଏ ।
ଏହାକୁ ସିଧାସଳଖ ଭୂମିରେ ଲଗାନ୍ତୁ ନାହିଁ । ଏହାକୁ କାଚ କିମ୍ବା ମାଟି ପାତ୍ରରେ ଲଗାଇ ପାରିବେ । ଏହାସହ ନୀଳ କିମ୍ବା ସବୁଜ ରଙ୍ଗର କାଚ ପାତ୍ରରେ ଲଗାଇବା ଶୁଭଙ୍କର।

Powered by Froala Editor