ପଞ୍ଜାବ କଂଗ୍ରେସର ସଭାପତି ଭାବେ ଦାୟିତ୍ୱ ଗ୍ରହଣ କଲେ ସିଦ୍ଧୁ
ଚଣ୍ଡିଗଡ଼: ବହୁ ବାଦବିବାଦ, ଦୀର୍ଘ ପ୍ରତୀକ୍ଷା ପରେ ଶେଷରେ ପଞ୍ଜାବ କଂଗ୍ରେସର ସଭାପତି ଭାବେ ଦାୟିତ୍ୱ ଗ୍ରହଣ କରିଛନ୍ତି ନବଜୋତ ସିଂହ ସିଦ୍ଧୁ । ତାଙ୍କ ସହ କାର୍ଯ୍ୟକାରୀ ସଭାପତି ଭାବେ ସଙ୍ଗତ ସିଂହ ଗିଲଜିଆନ୍, ସୁଖୱିନ୍ଦର ସିଂହ ଡାନ୍ନି, ପୱନ ଗୋଏଲ ଏବଂ କୁଲଜିତ ସିଂହ ନାଗରା ମଧ୍ୟ ଦାୟିତ୍ୱ ନେଇଛନ୍ତି ।
ଶୁକ୍ରବାର ଚଣ୍ଡିଗଡ଼ସ୍ଥିତ ରାଜ୍ୟ କଂଗ୍ରେସ ଭବନରେ ଆୟୋଜିତ ହୋଇଥିଲା ଏକ ସ୍ୱତନ୍ତ୍ର କାର୍ଯ୍ୟକ୍ରମ । ଏଥିରେ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କ ସମେତ ଦଳର ଅନ୍ୟ ବରିଷ୍ଠ ନେତାମାନେ ଉପସ୍ଥିତ ଥିଲେ । କାର୍ଯ୍ୟକ୍ରମରେ ବିଦ୍ଧିବଧ ଭାବେ ସିଦ୍ଧୁଙ୍କ ସମେତ ଅନ୍ୟ ନେତାମାନେ ଦାୟିତ୍ୱ ଗ୍ରହଣ କରିଛନ୍ତି ।
ଏହି ଅବସରରେ ସିଦ୍ଧୁ କହିଥିଲେ, ସମସ୍ତ ଦଳୀୟ କର୍ମୀଙ୍କ ସହ କାନ୍ଧରେ କାନ୍ଧ ମିଶାଇ ମୁଁ କାମ କରିବି । କର୍ମୀମାନେ ଜଣେ ନେତାର ଆତ୍ମା ସଦୃଶ । ବରିଷ୍ଠମାନଙ୍କୁ ସମ୍ମାନ ଦେବି ଏବଂ ମୋଠାରୁ ଯେଉଁମାନେ ବୟସରେ ସାନ ସେମାନଙ୍କୁ ଭଲପାଇବା ଦେବି ।
Powered by Froala Editor
