ନବୋଦୟ ବିଦ୍ୟାଳୟରେ ହେପାଟାଇଟିସ୍-ଏ ସନ୍ଦେହ, କେନ୍ଦ୍ରୀୟ ଟିମ୍ ଆସିବେ ଆଜି
ଭୁବନେଶ୍ବର: ଖୋର୍ଦ୍ଧା ପିଏମ୍ଶ୍ରୀ ଜବାହର ନବୋଦୟ ବିଦ୍ୟାଳୟେର କାମଳ ବ୍ୟାପିବା ଘଟଣାକୁ ୨ ଦିନ ବିତିଥିଲେ ହେଁ ପ୍ରକୃତ କାରଣ ଜଣାପଡ଼ି ନାହିଁ କିନ୍ତୁ ହେପାଟାଇଟିସ୍-ଏ ବୋଲି ସନ୍ଦେହ କରାଯାଉଛି। ଏହା ପ୍ରାୟତଃ ଜଳ ଓ ଖାଦ୍ୟରୁ ହୋଇଥିବା ନେଇ ଅନୁମାନ କରାଯାଉଥିବା ବେଳେ ରକ୍ତ ଓ ଜଳ ନମୁନାର ବିବରଣୀ ଆସିବା ପରେ ପ୍ରକୃତ କାରଣ ଜଣାପଡ଼ିବ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ଅନ୍ୟପଟେ କେନ୍ଦ୍ରୀୟ ଟିମ୍ ବୁଧବାର ଆସି ପହଞ୍ଚିବେ। ଏହାପରେ ସେମାନେ ସ୍ଥିତି ଯାଞ୍ଚ କରି ଆଗାମୀ କାର୍ଯ୍ୟପନ୍ଥା ଗ୍ରହଣ କରିବେ ବୋଲି ଜଣାପଡ଼ିଛି।
ଉକ୍ତ ବିଦ୍ୟାଳୟରେ ପ୍ରାୟ ୬୦ରୁ ଅଧିକ ଛାତ୍ରଛାତ୍ରୀ କାମଳରେ ଆକ୍ରାନ୍ତ ହୋଇଥିଲେ। ମୁକୁନ୍ଦପ୍ରସାଦ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ସହିତ ଜିଲା ଓ ରାଜ୍ୟସ୍ତରରୁ ସ୍ବାସ୍ଥ୍ୟ ଦଳ କ୍ଷେତ୍ରକୁ ଯାଇ ଯାଞ୍ଚ କରିଥିଲେ। ୱାଟ୍କୋ ପକ୍ଷରୁ ଜଳ ନମୁନା ସଂଗ୍ରହ କରାଯାଇଥିବା ବେଳେ ସ୍ବାସ୍ଥ୍ୟ ବିଭାଗ ମଧ୍ୟ ତଦାରଖ କରି ନମୁନା ସଂଗ୍ରହ କରିଥିଲା।
Powered by Froala Editor
