ଲଗାତାର ଦୁଇ ଦିନ ହେଲା ଓଡ଼ିଶାର ତାଳଚେର ଓ ଅନୁଗୁଳ ସବୁଠୁ ଅଧିକ ପ୍ରଦୂଷିତ ସହର ପାଲଟିଛି । ୩୦୦ରୁ ଅଧିକ ଏକ୍ୟୁଆଇ ସହ ବାୟୁର ମାନ ଅତି ଖରାପ ସ୍ତରରେ ଥିବା ଦେଶର ୫ସହର ମଧ୍ୟରେ ରହିଛନ୍ତି ଓଡ଼ିଶାର ୪ଟି ସହର ରହିଛି । ୩୫୫ଏକ୍ୟୁଆଇ ସହ ତାଳଚେର ଦେଶର ସବୁଠୁ ଅଧିକ ପ୍ରଦୂଷିତ ସହର ହୋଇଥିବା ବେଳେ ୩୨୮ ଏକ୍ୟୁଆଇ ସହ ଅନୁଗୁଳ ଦ୍ୱିତୀୟ, ୩୨୨ ଏକ୍ୟୁଆଇ ସହ ବାରିପଦା ତୃତୀୟ ପ୍ରଦୂଷିତ ସହର ପାଲଟିଛି । ରାଜଧାନୀ ଭୁବନେଶ୍ୱରରେ ଏକ୍ୟୁଆଇ ୩୦୩ ରହିଛି । ଏହାକୁ ଆଖି ଆଗରେ ରଖି ଅନୁଗୁଳ ଜିଲ୍ଲାପାଳ ୭ ଦିନ ପାଇଁ କଟକଣା ଜାରି କରିଛନ୍ତି। ତାଳଚେର ଟାଉନ ଭିତରେ ଭାରିଯାନ ଟ୍ରକ ପ୍ରବେଶକୁ ନିଷେଧ କରାଯାଇଛି। 

ମ୍ୟୁନିଲିପାଲଟି,ଏମସିଏଲ ଆଉ ଏନଏଚଆଇ ମିଳିତ ଭାବେ ୩ଥର ରାସ୍ତା ଉପରେ ପାଣି ସିଞ୍ଚନ କରିବେ। କୋଇଲା ଜାଳିବା ଉପରେ ମଧ୍ୟ ନିଷେଧ କରାଯାଇଛି। ସହର ମଧ୍ୟରେ କୋଇଲା ଏବଂ ପାଉଁଶ ଟ୍ରକ ଚଳାଚଳକୁ ନିଷେଧ କରାଯାଇଛି। ପାଲ ଭିଡାଯାଇ ନଥିବା କୌଣସି ଟ୍ରକ ଏନଏଚ ୧୪୯ ରେ ଯିବା ନିଷେଧ କରାଯାଇଛି। ଏଭଳି ୧୨ ଟି ସର୍ତ୍ତ ରଖିଛନ୍ତି ଅନୁଗୋଳ ଜିଲ୍ଲାପାଳ।

ସେହିପରି ଗତକାଲି ଦେଶର ୯ ପ୍ରଦୂଷିତ ସହର ମଧ୍ୟରେ ଥିଲା ଓଡ଼ିଶାର ୭ ସହର। ୩୮୦ ଏକ୍ୟୁଆଇ ସହ ତାଳଚେର ଦେଶର ସବୁଠୁ ପ୍ରଦୂଷିତ ସହରର କୁଖ୍ୟାତି ଅର୍ଜିଥିବା ବେଳେ ୩୪୬ ଏକ୍ୟୁଆଇ ସହ ଅନୁଗୁଳ ଦେଶର ଦ୍ୱିତୀୟ ପ୍ରଦୂଷିତ ସହର ରହିଥିଲା ।

Powered by Froala Editor