ନୂଆଦିଲ୍ଲୀ: କ୍ଲିନ୍ ସିଟି ବୋଲାଉଥିବା ଇନ୍ଦୋର ପାଣିରେ ବିଷ ! ଦେଶର ସବୁଠାରୁ ସ୍ୱଚ୍ଛ ସହର ତାଲିକାରେ ମଧ୍ୟପ୍ରଦେଶର ଇନ୍ଦୋର ଏକ ନମ୍ବରରେ ଆସେ । ସହରରେ ଦୂଷିତ ପାଣି ପିଇ ଲୋକେ ଝାଡ଼ା ବାନ୍ତି ହୋଇଛନ୍ତି । ଭାଗୀରଥପୁରାରେ ଦୂଷିତ ପାଣି ପିଇ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୦ ଜଣ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ ସହାୟତା ପ୍ରଦାନ କରାଯିବ । ସମସ୍ତ ଗୁରୁତରଙ୍କ ଚିକିତ୍ସାର ଖର୍ଚ୍ଚ ବହନ କରିବେ ସରକାର । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ।
ଏହି ଘଟଣାର ତଦନ୍ତ କରି ମୁଖ୍ୟମନ୍ତ୍ରୀ ମୋହନ ଯାଦବ ଗତକାଲି ବିଳମ୍ବିତ ରାତିରେ ଜୋନାଲ ଅଧିକାରୀ ଶାଲିଗ୍ରାମ ଶୀତୋଲେ ଏବଂ ସହକାରୀ ଯନ୍ତ୍ରୀ-ଭାରପ୍ରାପ୍ତ (PHE) ଯୋଗେଶ ଯୋଶୀଙ୍କୁ ନିଲମ୍ବିତ କରିଛନ୍ତି । ଏକ ୩ ଜଣିଆ ସଦସ୍ୟ ବିଶିଷ୍ଟ ତଦନ୍ତ କମିଟି ମଧ୍ୟ ଗଠନ କରାଯାଇଛି । ମୁଖ୍ୟମନ୍ତ୍ରୀ ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି ।

ହଜାର ହଜାର ଲୋକ ପ୍ରଭାବିତ- ଏହି ଅଞ୍ଚଳରେ ବାନ୍ତି, ଝାଡ଼ା, ପେଟ ଯନ୍ତ୍ରଣା ଭଳି ସମସ୍ୟା ଦ୍ରୁତ ଗତିରେ ବୃଦ୍ଧି ପାଇଛି । ପ୍ରାୟ ୨,୦୦୦ ଲୋକ ଏଥିରେ ଆକ୍ରାନ୍ତ ହୋଇଥିବା ଜଣାପଡ଼ିଛି । 

Powered by Froala Editor