ଜାତୀୟ ରାଜଧାନୀ ଦିଲ୍ଲୀର ବିଗିଡ଼ି ଯାଉଥିବା ବାୟୁ ଗୁଣବତ୍ତାକୁ ନେଇ ପରିବେଶ ମନ୍ତ୍ରୀ ମଞ୍ଜିନ୍ଦର ସିଂ ସିରସା ମଙ୍ଗଳବାର ଏକ ଖବରଦାତା ସମ୍ମିଳନୀରେ କ୍ଷମା ମାଗିଛନ୍ତି। ମନ୍ତ୍ରୀ ଏହାର ସମାଧାନର ବାଟ ବାହାର କରିବା ପରିବର୍ତ୍ତେ ଓଲଟି ପୂର୍ବ ସରକାରଙ୍କ ଉପରେ ଦୋଷ ଲଦିଛନ୍ତି। ସେ କହିଛନ୍ତି ଯେ ୯-୧୦ ମାସ ମଧ୍ୟରେ କୌଣସି ନିର୍ବାଚିତ ସରକାର ପାଇଁ ପ୍ରଦୂଷଣକୁ ସମ୍ପୂର୍ଣ୍ଣ ରୂପେ ହ୍ରାସ କରିବା ସମ୍ଭବ ନୁହେଁ।

ସେ ପୂର୍ବର ଆମ୍ ଆଦମୀ ପାର୍ଟି (AAP) ସରକାରଙ୍କୁ ସମାଲୋଚନା କରି କହିଛନ୍ତି, “ଆମେ ଅସାଧୁ AAP ସରକାରଙ୍କ ଠାରୁ ଭଲ କାମ କରୁଛୁ ଏବଂ ଆମେ ପ୍ରତିଦିନ AQI ହ୍ରାସ କରୁଛୁ। ଏହି ପ୍ରଦୂଷଣ ରୋଗ ଆମକୁ AAP ଦ୍ୱାରା ଦିଆଯାଇଛି ଏବଂ ଆମେ ଏହାକୁ ଠିକ୍ କରିବାକୁ ଚେଷ୍ଟା କରୁଛୁ।”

ଦିଲ୍ଲୀରେ ବାୟୁ ଗୁଣବତ୍ତା ବିପଦପୂର୍ଣ୍ଣ ସ୍ତରରେ ଥିବାବେଳେ ସୋମବାର ଅରୁଣ ଜେଟଲୀ ଷ୍ଟାଡିୟମରେ ଆର୍ଜେଣ୍ଟିନାର ଫୁଟବଲ ତାରକା ଲିଓନେଲ୍ ମେସିଙ୍କୁ ସ୍ୱାଗତ କରିବା ସମୟରେ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କୁ କ୍ରୋଧିତ ଦର୍ଶକମାନେ “AQI, AQI” ନାରା ଦେଇ ଛିଗୁଲେଇ ଥିଲେ। ଷ୍ଟାଡିୟମରେ ଦିଲ୍ଲୀ ମୁଖ୍ୟମନ୍ତ୍ରୀ ଥିବା ପର୍ଯ୍ୟନ୍ତ ଏହି ସ୍ଲୋଗାନ ଦିଆଯାଇଥିଲା। ଏବଂ ସେ ଯିବା ସମୟରେ ତାଙ୍କୁ ଗାଳି ମଧ୍ୟ ଦିଆଯାଇଥିଲା।

Powered by Froala Editor