ମନ୍ଦିରକୁ ଦାନ ଭାବରେ ଦିଆଯାଇଥିବା ଟଙ୍କା ଦେବତାଙ୍କର। ଏହାକୁ କୌଣସି ସମବାୟ ବ୍ୟାଙ୍କକୁ ସଞ୍ଚୟ କିମ୍ବା ସମୃଦ୍ଧ କରିବା ପାଇଁ ବ୍ୟବହାର କରାଯାଇପାରିବ ନାହିଁ।

ଭାରତର ପ୍ରଧାନ ବିଚାରପତି (CJI) ସୂର୍ଯ୍ୟକାନ୍ତ ଏବଂ ବିଚାରପତି ଜୟମାଲ୍ୟ ବାଗଚିଙ୍କୁ ନେଇ ଗଠିତ ଏକ ଖଣ୍ଡପୀଠ କେରଳର କିଛି ସମବାୟ ବ୍ୟାଙ୍କର ଆବେଦନର ଶୁଣାଣି କରୁଥିଲେ। ଯେଉଁଥିରେ ଥିରୁନେଲି ମନ୍ଦିର ଦେବସ୍ୱମର ଜମା ଫେରାଇବା ପାଇଁ କେରଳ ହାଇକୋର୍ଟଙ୍କର ନିର୍ଦ୍ଦେଶକୁ ଚ୍ୟାଲେଞ୍ଜ କରାଯାଇଥିଲା। ସୁପ୍ରିମକୋର୍ଟ ଦାନ ଭାବରେ ଦିଆଯାଇଥିବା ଟଙ୍କା ସମ୍ପର୍କରେ ସୁପ୍ରିମକୋର୍ଟ ଗୁରୁତ୍ୱପୂର୍ଣ୍ଣ ମନ୍ତବ୍ୟ ଦେଇଛନ୍ତି। କୋର୍ଟ କହିଛନ୍ତି ଯେ, ମନ୍ଦିରକୁ ଦାନ କରାଯାଇଥିବା ଟଙ୍କା ଦେବତାଙ୍କର।

ସିଜେଆଇ ସୂର୍ଯ୍ୟକାନ୍ତ ପଚାରିଥିଲେ, ଆପଣ ମନ୍ଦିରର ଟଙ୍କାକୁ ବ୍ୟାଙ୍କକୁ ବଞ୍ଚାଇବା ପାଇଁ ବ୍ୟବହାର କରିବାକୁ ଚାହୁଁଛନ୍ତି। ମନ୍ଦିରର ଟଙ୍କା ଅଧିକ ସୁଧ ପ୍ରଦାନ କରିପାରୁଥିବା ସମବାୟ ବ୍ୟାଙ୍କରେ ରଖିବା ପରିବର୍ତ୍ତେ ଜାତୀୟ ବ୍ୟାଙ୍କକୁ ଯିବାରେ କ'ଣ ଅସୁବିଧା ଅଛି? ସେ କହିଥିଲେ ଯେ, ମନ୍ଦିରର ଟଙ୍କା ଦେବତାଙ୍କର, ତେଣୁ ଏହାର ସୁରକ୍ଷିତ ସଂରକ୍ଷଣ ଏବଂ କେବଳ ମନ୍ଦିର ପାଇଁ ବ୍ୟବହାର କରାଯିବା ଉଚିତ୍। ଏହା ଏକ ସମବାୟ ବ୍ୟାଙ୍କର ଆୟ କିମ୍ବା ଅସ୍ତିତ୍ୱର ଆଧାର ହୋଇପାରିବ ନାହିଁ।

Powered by Froala Editor