ଲଗାତର ଚତୁର୍ଥ ଦିନ ପାଇଁ ଇଣ୍ଡିଗୋ ଏୟାର ଲାଇନ୍ସର ବିମାନ ସେବା ବାତିଲ୍ଲ କରିଛି । ଫଳରେ ଏୟାରପୋର୍ଟରେ ହନ୍ତହନ୍ତ ହେଉଛନ୍ତି ଯାତ୍ରୀ। ବିମାନବନ୍ଦ ପରିସରରେ ସୃଷ୍ଟି ହୋଇଛି ଅସ୍ବାଭାବିକ ପରିସ୍ଥିତି। ଯାତ୍ରୀଙ୍କ ଭିତରେ ପ୍ରବଳ ଅସନ୍ତୋଷ ଓ ଆକ୍ରୋଶ ଦେଖିବାକୁ ମିଳିଛି। ଜରୁରୀ କାମରେ ବାହାରିଥିବା ଯାତ୍ରୀ ଏୟାରପୋର୍ଟରେ ଘଣ୍ଟା ଘଣ୍ଟା ଅପେକ୍ଷା କରି ଘାଣ୍ଟି ସନ୍ତୁୁଳି ହେଉଛନ୍ତି। 

ରେଲୱେ ଷ୍ଟେସନରେ ଅପେକ୍ଷା କରିବା ଭଳି ଏୟାରପୋର୍ଟ ପରିସରରେ ଯାତ୍ରୀମାନେ ବସିବା ସହ ଶୋଉଛନ୍ତି। ଉଭୟ ଦେଶ ଓ ଦେଶ ବାହାରକୁ ଉଡିବାକୁ ଥିବା ଇଣ୍ଡିଗୋର ବିମାନ ଉଡ଼ାଣ ବାତିଲ ପରେ ସାଂଘାତିକ ସ୍ଥିତି ସୃଷ୍ଟି ହୋଇଛି।

ଯାତ୍ରୀ ସୁରକ୍ଷା ବିଷୟରେ ବହୁତ ଆଲୋଚନା ହେଉଥିବାବେଳେ, ସୋସିଆଲ ମିଡିଆରେ ଏକ ହୃଦୟ ବିଦାରକ ଭିଡିଓ ଭାଇରାଲ ହୋଇଛି। ବିମାନବନ୍ଦରରେ ଜଣେ ବାପା କାନ୍ଦୁଥିବା ଏବଂ ତାଙ୍କ ଝିଅ ପାଇଁ ସାନିଟାରୀ ପ୍ୟାଡ ମାଗୁଥିବାର ଦେଖାଯାଉଛି। 

ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହେଉଥିବା ଏହି ଭିଡିଓକୁ @grafidon ନାମକ ଏକ ଆକାଉଣ୍ଟ ଦ୍ୱାରା ଶେୟାର କରାଯାଇଛି। ଏକ ଭାଇରାଲ ଭିଡିଓରେ, ଜଣେ ବ୍ୟକ୍ତି ବିମାନବନ୍ଦରରେ ତାଙ୍କ ଝିଅ ପାଇଁ ସାନିଟାରୀ ପ୍ୟାଡ ବିମାନବନ୍ଦର କର୍ମଚାରୀଙ୍କୁ ମାଗୁଥିବାର ଦେଖାଯାଉଛି। ସେ ବାରମ୍ବାର ବିମାନବନ୍ଦର କର୍ମଚାରୀଙ୍କୁ ଅନୁରୋଧ କରୁଛନ୍ତି, ତାଙ୍କ ଝିଅ ଅସୁସ୍ଥ ଅନୁଭବ କରୁଥିବାରୁ ତାଙ୍କୁ ଏକ ପ୍ୟାଡ ଦିଅନ୍ତୁ, କିନ୍ତୁ କେହି ଶୁଣୁ ନାହାନ୍ତି। ଆଶ୍ଚର୍ଯ୍ୟର କଥା, ପାଖରେ ଥିବା କେହି କିମ୍ବା ବିମାନବନ୍ଦର କର୍ମଚାରୀ ସାହାଯ୍ୟ କରିବାକୁ ଆଗେଇ ଆସିଲେ ନାହିଁ, ଯାହା ଫଳରେ ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଗଲା।

Powered by Froala Editor