ବାଜାବାଜଣା ବଜାଇ ଶିକ୍ଷକଙ୍କୁ ସମ୍ବର୍ଦ୍ଧନା ଦେଲେ ଶିଷ୍ୟ
ଭୁବନେଶ୍ବର: ଶିକ୍ଷକ ପ୍ରତାପ ଚନ୍ଦ୍ର ରାୟ ମାଲକାନଗିରି ଜିଲା ମଙ୍ଗଳ ବିଭାଗ ଅଧିନରେ ପ୍ରଧାନଶିକ୍ଷକ ଭାବେ କାର୍ଯ୍ୟ କରନ୍ତି । ଗତ ୧୯୯୩ ମସିହାରେ ମାଲକାନଗିରି ଜିଲା ମାଓପ୍ରବଣ ମହୁପଦର ହାଇସ୍କୁଲରେ କାର୍ଯ୍ୟରେ ଯୋଗ ଦେଇଥିଲେ । ତାଙ୍କ ପାଖରେ ଶିକ୍ଷାଲାଭ କରିଥିବା ପ୍ରାୟ ଆଠଶହରୁ ଉର୍ଦ୍ଧ୍ବ ଶିଷ୍ୟ ବର୍ତ୍ତମାନ ବିଭିନ୍ନ ପଦପଦବୀରେ ଅବସ୍ଥାପିତ । ଜନସାଧାରଣଙ୍କ ମନରେ ଏକ ଭିନ୍ନ ସ୍ଥାନ ସୃଷ୍ଟି କରିଛନ୍ତି ରାୟ ସାର । ଗତକାଲି ଥିଲା ତାଙ୍କ ଚାକିରି ଜୀବନର ଶେଷ ଦିବସ । ଏହି ଖବର ପାଇ ବିଭିନ୍ନ ସ୍ଥାନରେ ଥିବା ତାଙ୍କ ଶିଷ୍ୟ ଆସି ପହଂଚିଥିଲେ ପାଙ୍ଗାମ ହାଇସ୍କୁଲରେ, ଆଉ ଏହାକୁ ସ୍ମରଣୀୟ କରିବା ପାଇଁ ସବୁ ପ୍ରକାର ଚେଷ୍ଟା କରିଥିଲେ ପୁରାତନ ଛାତ୍ର ।
ସୁସଜ୍ଜିତ ତୋରଣ , ଝୋଟି ,ବାଣ ସହ ଫୁଲ ରେ ସୁସଜ୍ଜିତଗାଡି ଏହା ସହିତ ବାଜାବାଜଣା କୁ ଦୁରୁଆ ସଂପ୍ରଦାୟ ର ନିଆରା ନୃତ୍ୟ । ଏହି ସମ୍ବର୍ଦ୍ଧନା ଉତ୍ସବରେ ପୁରାତନ ଶିଷ୍ୟଙ୍କ ସମେତ ଶିକ୍ଷକ ଶିକ୍ଷୟତ୍ରୀ ଯୋଗଦେଇଥିଲେ ।
Powered by Froala Editor
