ନୂଆଦିଲ୍ଲୀ: ପୂର୍ବତନ କଂଗ୍ରେସ ସାଂସଦ ସଜ୍ଜନ କୁମାରଙ୍କ ପରଲୋକ ଘଟିଛି। ୧୯୮୪ ଶିଖ୍‌-ବିରୋଧୀ ଦଙ୍ଗା ମାମଲାରେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡ ଭୋଗୁଥିବା ସଜ୍ଜନ କୁମାର ଅସୁସ୍ଥତା ଯୋଗୁଁ ଦିଲ୍ଲୀର ସଫଦରଜଙ୍ଗ ହସ୍ପିଟାଲକୁ ଆସିଥିଲେ। ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

୧୯୮୪ ଦଙ୍ଗା ସମ୍ପର୍କିତ ମାମଲାରେ ସଜ୍ଜନ କୁମାର ଦୁଇଟି ମାମଲାରେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡ ଭୋଗୁଥିଲେ। ୨୦୧୮ ଡିସେମ୍ବରରେ ଦିଲ୍ଲୀ ହାଇକୋର୍ଟ ତାଙ୍କୁ ପାଞ୍ଚ ଜଣ ଶିଖଙ୍କ ହତ୍ୟା ଏବଂ ଏକ ଗୁରୁଦ୍ୱାରା ପୋଡ଼ିବା ସମ୍ପର୍କିତ ମାମଲାରେ ଆଜୀବନ କାରାଦଣ୍ଡ ଦେଇଥିଲେ।୨୦୨୫ରେ ମଧ୍ୟ ୧୯୮୪ ଦଙ୍ଗା ସମ୍ପର୍କିତ ଅନ୍ୟ ଏକ ହତ୍ୟା ମାମଲାରେ ତାଙ୍କୁ ଦ୍ୱିତୀୟ ଆଜୀବନ ଦଣ୍ଡାଦେଶ ହୋଇଥିଲା। ଅନ୍ୟ ଏକ ମାମଲାରେ ତାଙ୍କୁ ଖଲାସ କରାଯାଇଥିଲା।ସଜ୍ଜନ କୁମାରଙ୍କ ଜନ୍ମ ୨୩ ସେପ୍ଟେମ୍ବର ୧୯୪୫ରେ ଦିଲ୍ଲୀରେ ହୋଇଥିଲା। ମାଟ୍ରିକ୍‌ ପର୍ଯ୍ୟନ୍ତ ପାଠପଢ଼ିଥିବା ସଜ୍ଜନ କୁମାର ୧୯୭୭ରେ ଦିଲ୍ଲୀ ମ୍ୟୁନିସିପାଲ କର୍ପୋରେସନର କାଉନସିଲର ଭାବେ ରାଜନୀତିରେ ପ୍ରବେଶ କରିଥିଲେ। ପରେ ସେ ଦିଲ୍ଲୀ ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ହୋଇଥିଲେ।ଆଜୀବନ କାରାଦଣ୍ଡ ପରେ ସଜ୍ଜନ କୁମାର ୨୦୧୮ ଡିସେମ୍ବରରେ କଂଗ୍ରେସ ଛାଡ଼ିଥିଲେ।

Powered by Froala Editor