ଦୁର୍ଗାପୂଜା ପାଇଁ ଟ୍ରାଫିକ୍ କଟକଣା: କ'ଣ ରହିଛି ନିୟମ ଜାଣନ୍ତୁ ?
ଭୁବନେଶ୍ୱର: ଭୁବନେଶ୍ୱରରେ ଦୁର୍ଗାପୂଜା ପାଇଁ ଟ୍ରାଫିକ୍ କଟକଣା ଜାରି ହୋଇଛି । ଆସନ୍ତା ୨୮ରୁ ଅକ୍ଟୋବର ୨ ତାରିଖ ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ । ରାଜଧାନୀର ପ୍ରମୁଖ ରାସ୍ତାଗୁଡିକରେ ଭାରିଯାନ ଯିବା ଆସିବା ଲାଗି ବାରଣ କରାଯାଇଛି । ପୂଜାରେ ଭିଡ଼କୁ ଦୃଷ୍ଟିରେ ରଖି କମିଶନରେଟ ପୁଲିସ ଟ୍ରାଫିକ୍ କଟକଣା ଜାରି କରିଛି । ଅପରାହ୍ନ୨ଟାରୁ ରାତ୍ର ୨ଘଟିକା ପର୍ଯ୍ୟନ୍ତ ଏହି କଟକଣା ଲାଗୁ କରାଯିବ ।
ପୁରୀ ପଟୁ ବରମୁଣ୍ଡାକୁ ଆସୁଥିବା ବସ ଲିଙ୍ଗିପୁର ଛକରୁ ପାଣ୍ଡରା ଛକ, କେଶୁରା ଛକ ଓ ହାଇଟେକ୍ ଦେଇ ବରମୁଣ୍ଡା ବସଷ୍ଟାଣ୍ଡକୁ ଯାଇପାରିବେ । ପୁରୀ ପଟୁ କଟକକୁ ଯାଉଥିବା ବସ୍ ଲିଙ୍ଗିପୁର ଛକ ଦେଇ ବାଇପାସ୍ ରୋଡରେ ହାଇଟେକ ଛକଠାରେ ପହଞ୍ଚି ଜାତୀୟ ରାଜପଥ ଦେଇ ଯାଇପାରିବ । ସେହିପରି କଟକ ପଟୁ ଆସୁଥିବା ପୁରୀକୁ ବସଗୁଡିକ ହାଇଟେକରୁ ଲିଙ୍ଗିପୁର ଦେଇ ଯାଇପାରିବ ।
ମାଷ୍ଟରକ୍ୟାଣ୍ଟିନ୍ ବସଷ୍ଟାଣ୍ଡରୁ କୌଣସି ପ୍ରକର ବସ୍ ବାଣୀବିହାର ଛକ କିମ୍ବା ରବି ଟକିଜ୍ ଛକ ଆଡକୁ ଯାଇପାରିବ ନାହିଁ । କଟକଣା ନଥିବା ସମୟରେ ରାମ ମନ୍ଦିର ଛକ ଦେଇ ହାଉସିଂହ ବୋଡ ଛକ ହୋଇ ଏବଂ ଆଚାର୍ଯ୍ୟ ବିହାର ଛକରେ ମିସିବେ । ଲିଙ୍ଗରାଜ ମନ୍ଦିର ରାସ୍ତାରୁ କୌଣସି ବସ୍ କଳ୍ପନା ଛକ ଓ ଶିଶୁ ଭବନ ଛକ ଆଡକୁ ଯାଇପାରିବନି । ବସଗୁଡିକ ଗ୍ୟାରେଜ ଛକ, ସମାନ୍ତରାପୁର ଦେଇ ଲିଙ୍ଗିପୁର ଆଡକୁ ଯାଇପାରିବ ।
ରସୁଲଗଡ ଛକରୁ ଲିଙ୍ଗିପୁର ଛକ ଏବଂ ଏହାକୁ ସଂଯୋଗ କରୁଥିବା ଆଖପାଖ ରାସ୍ତାରେ କୌଣସି ଭାରିଯାନ ଯିବନାହିଁ । ଆଚାର୍ଯ୍ୟ ବିହାର ଛକରୁ ଏୟାରପୋର୍ଟ ଛକ ଭିତରେ ଭାରିଯାନ ଚଳାଚଳ ବନ୍ଦ ରହିବ ।
ଜୟଦେବ ବିହାର ଛକଠାରୁ ରାଜଭବନ ଛକ ଭିତରେ ଭାରିଯାନ ବନ୍ଦ, ସେହିପରି ଫାୟାର ଟ୍ରେନିଂ ସ୍କୁଲ ଚକଠାରୁ ଶିଶୁଭବନ ଛକ ଯାଏଁ ଟ୍ରାଫିକ କଟକଣା ଲଗାଯାଇଛି । ଖଣ୍ଡଗିରି ଛକରୁ ପୋଖରୀପୁଟ ଛକ ଯାଏଁ ଭାରିଯାନ ବନ୍ଦ ରହିବା ।
Powered by Froala Editor
