ଲଗେଜ୍ ଶୁଳ୍କ ବଞ୍ଚାଇବାକୁ ‘ଫ୍ଲାଇଙ୍ଗ୍ ନେକେଡ୍ ଟ୍ରେଣ୍ଡ୍’
ଏବେ ବିମାନ ଯାତ୍ରା ମହଙ୍ଗା ହୋଇଯାଇଛି । ଲଗେଜ୍ ଶୁଳ୍କ ତ ବୋଝ ଉପରେ ନଳିତା ବିଡା । ବ୍ୟାଗ୍ର ଓଜନ ଯେତେ ଅଧିକ ହେବ, ଶୁଳ୍କ ସେହି ଅନୁସାରେ ବଢ଼ିଚାଲିବ । ଏଥିରୁ ବଞ୍ଚିବା ପାଇଁ ଲୋକଙ୍କ ମଧ୍ୟରେ ଏକ ଟ୍ରେଣ୍ଡ୍ ଆରମ୍ଭ ହୋଇଛି । ତାହା ହେଉଛି ‘ଫ୍ଲାଇଙ୍ଗ୍ ନେକେଡ୍ ଟ୍ରେଣ୍ଡ୍’ । ଡେଲି ମେଲ୍ର ରିପୋର୍ଟ ଅନୁସାରେ, ଏହି ଟ୍ରେଣ୍ଡ୍ରେ ଅଧିକାଂଶ ଜେନ୍-ଜି ଓ ୮୦-୯୦ ଦଶକର ଲୋକ ଅଛନ୍ତି । ଆଜିକାଲି ଅନେକ ଯାତ୍ରୀ କେବଳ ଫୋନ୍ ଓ ପର୍ସ ବ୍ୟତୀତ କୌଣସି ଜିନିଷ ନନେଇ ବିମାନ ଯାତ୍ରା କରୁଛନ୍ତି । ଏହି ସ୍ଥିତିରେ ସେମାନେ ପକେଟ୍ରେ ପୋଷାକ ଓ ଅନ୍ୟ ଆବଶ୍ୟକ ସାମଗ୍ରୀ ଭର୍ତ୍ତି କରି ନେଉଛନ୍ତି । ଏହା ପରେ ଡାକ ମାଧ୍ୟମରେ ଓଜନିଆ ବ୍ୟାଗ୍ ମଗାଇ ଦେଉଛନ୍ତି । ଡାକରେ ଜିନିଷ ମଗାଇବା ବିମାନରେ ଲଗେଜ୍ ନେବା ତୁଳନାରେ ଶସ୍ତା ।
ବିମାନ ସଂସ୍ଥାଗୁଡ଼ିକ ଜାଣିଶୁଣି ଭ୍ରମାତ୍ମକ ଲଗେଜ୍ ପଲିସି ଜରିଆରେ ଲାଭ ଉଠାଉଥିବା ଲୋକେ ଜାଣିବା ପରେ ‘ଫ୍ଲାଇଙ୍ଗ୍ ନେକେଡ୍ ଟ୍ରେଣ୍ଡ୍’ ବଢ଼ିବାରେ ଲାଗିଛି । ଫ୍ଲାଇଙ୍ଗ୍ ନେକେଡ୍ ଟ୍ରେଣ୍ଡ୍ରେ ଲୋକେ ଗୋଟିଏ ଉପରେ ଗୋଟିଏ ଅନେକ ପୋଷାକ ପିନ୍ଧୁଛନ୍ତି ।
‘ଫ୍ଲାଇଙ୍ଗ୍ ନେକେଡ୍ ଟ୍ରେଣ୍ଡ୍’ର ଅର୍ଥ ନୁହେଁ ଯେ ଲୋକେ ବିନା ପୋଷାକରେ ବିମାନ ଯାତ୍ରା କରୁଛନ୍ତି । ଏହି ଟ୍ରେଣ୍ଡ୍ରେ ଲୋକେ ବ୍ୟାଗ୍ ଉପରେ ଲାଗୁ ହେଉଥିବା ଅତିରିକ୍ତ ଶୁଳ୍କରୁ ରକ୍ଷା ପାଇବା ପାଇଁ ବିମାନ ଯାତ୍ରୀ ସାଙ୍ଗରେ କୌଣସି ବଡ଼ କିମ୍ବା ଅଧିକ ଓଜନର ଲଗେଜ୍ ନେଉନାହାନ୍ତି । ବରଂ ଏକାଧିକ ପୋଷାକ ପିନ୍ଧୁଛନ୍ତି ।
Powered by Froala Editor
