୧୬ ବର୍ଷ ପୁଅକୁ ଲଗାତାର ୨ ବର୍ଷ ହେବ ଯୌନ ନିର୍ଯାତନା ଦିଆଯାଉଛି। ସବୁଠାରୁ ବଡ଼ କଥା ହେଉଛି ଏଥିରେ ୧୪ ଜଣ ସାମିଲ ଅଛନ୍ତି। ନେତାଙ୍କ ସହ ୨ ଜଣ ସରକାରୀ ଚାକିରିଆ ବ୍ୟକ୍ତି ଏହି କେସ୍‌ରେ ଜଡ଼ିତ।

କାସାରଗୋଡ ପୋଲିସ ମୁଖ୍ୟ ବିଜୟ ଭାରତ ରେଡ୍ଡୀ କହିଛନ୍ତି, ଦଶମ ଶ୍ରେଣୀର ଏହି ବାଳକ ଦୁଇ ବର୍ଷ ପୂର୍ବେ ଏକ ସମଲିଙ୍ଗୀ ଡେଟିଂ ଆପ୍ ଡାଉନଲୋଡ କରିଥିଲେ ଓ କାସାରଗୋଡ, କନ୍ନୁର, କୋଝିକୋଡ ଓ ଏର୍ଣ୍ଣାକୁଲମରେ ୧୪ ଜଣଙ୍କ ଦ୍ୱାରା ଦୁଇ ବର୍ଷ ଧରି ବଳାତ୍କାରର ଶିକାର ହୋଇଥିଲେ। ନାବାଳକଙ୍କ ମାଆଙ୍କ ସନ୍ଦେହ ପରେ ଏହି ଘଟଣା ପ୍ରକାଶ ପାଇଥିଲା। ଶେଷରେ କାନ୍ଦି କାନ୍ଦି ମା’ଙ୍କୁ ସତ କହିଲା ପୁଅ।

ପୋଲିସ ୧୪ ଜଣଙ୍କ ବିରୋଧରେ ପୋକ୍ସୋ ଆଇନ ଅନୁଯାୟୀ ୧୪ଟି ମାମଲା ରୁଜୁ କରିଛି। ୧୬ ବର୍ଷୀୟ ଜଣେ ବାଳକଙ୍କ ଯୌନ ନିର୍ଯାତନା ଅଭିଯୋଗରେ କେରଳ ପୋଲିସ ଜଣେ ରାଜନେତା, ଦୁଇ ସରକାରୀ କର୍ମଚାରୀ ଏବଂ ଜଣେ ଫୁଟବଲ୍ ପ୍ରଶିକ୍ଷକଙ୍କ ସମେତ ନଅ ଜଣଙ୍କୁ ଗିରଫ କରିଛି। କାସାରଗୋଡରେ ହୋଇଥିବା ୮ଟି ମାମଲା ପାଇଁ ଏକ ସ୍ୱତନ୍ତ୍ର ତଦନ୍ତ ଦଳ ଗଠନ ହୋଇଛି, ବାକି ୬ଟି ମାମଲା କୋଝିକୋଡ ଓ କନ୍ନୁରକୁ ହସ୍ତାନ୍ତର ହୋଇଛି। ପ୍ରାୟ ସମସ୍ତ ଅଭିଯୁକ୍ତଙ୍କ ବୟସ ୨୫ରୁ ୫୧ ବର୍ଷ ମଧ୍ୟରେ ଅଟେ।

 ଯେତେବେଳେ ସେମାନେ ତାଙ୍କ ପୁଅକୁ ପଚରାଉଚରା କଲେ, ସେ ସମ୍ପୂର୍ଣ୍ଣ ଘଟଣା ପ୍ରକାଶ କଲେ। ମାଆ ତୁରନ୍ତ ଶିଶୁ ହେଲ୍ପଲାଇନ୍ ସହିତ ଯୋଗାଯୋଗ କଲେ, ଯାହା ପୋଲିସକୁ ସୂଚନା ଦେଇଥିଲା।

Powered by Froala Editor