ଏଲପିଜି ସିଲିଣ୍ଡର ଠାରୁ ଆରମ୍ଭ କରି କ୍ରେଡିଟ୍ କାର୍ଡ ପର୍ଯ୍ୟନ୍ତ ସବୁ ନିୟମରେ ହେଲା ପରିବର୍ତ୍ତନ ଜାଣନ୍ତୁ..
ନୂଆଦିଲ୍ଲୀ : ସେପ୍ଟେମ୍ବର ୧ ଅର୍ଥାତ୍ ସୋମବାର ଆର୍ଥିକ କ୍ଷେତ୍ରରେ ୭ଟି ବଡ ପରିବର୍ତ୍ତନ ହୋଇଛି। ଯାହା ସର୍ବସାଧାରଣଙ୍କ ପକେଟ୍ ଉପରେ ପ୍ରଭାବ ପକାଇବ। ଏଲପିଜି ସିଲିଣ୍ଡର ଦର ଠାରୁ ଆରମ୍ଭ କରି,କ୍ରେଡିଟ୍ କାର୍ଡ, ଆୟକର ଟ୍ୟାକ୍ସ ଦେବା, ଭାରତୀୟ ଡାକ ସେବାର ନିୟମ, ଏଫଡି ସ୍କିମ୍ ଆଦି ସହ ଏସବୁ ପରିବର୍ତ୍ତନ ଜଡିତ ରହିଛି । ପରିବର୍ତ୍ତନ ବିଷୟରେ ଜାଣନ୍ତୁ....
ଆଜି ଠାରୁ ୧୯ କିଲୋଗ୍ରାମ୍ ବ୍ୟବସାୟିକ ସିଲିଣ୍ଡରର ଦାମ୍ ହ୍ରାସ ହୋଇଛି। ରାତି ୧୨ଟା ପରେ ନୂଆ ଦାମ୍ର ତାଲିକା ଆସିଯିବା ସହ ଲାଗୁ ହୋଇଛି। ସିଲିଣ୍ଡର ଦାମ୍ରେ ୫୧ ଟଙ୍କା କମ୍ ହୋଇଛି। ଏହାପରେ ବ୍ୟବସାୟିକ ସିଲିଣ୍ଡର ଦିଲ୍ଲୀରେ ୧୫୮୧ ଟଙ୍କା, କଲକାତାରେ ୧୬୮୩, ମୁମ୍ବାଇରେ ୧୫୩୧ ଓ ଚେନ୍ନାଇରେ ୧୭୩୭ ଟଙ୍କା ମିଳିବ ।
ସେପ୍ଟେମ୍ବର ୧ରୁ ଭାରତୀୟ ଡାକ ବ୍ୟବସ୍ଥାରେ ମଧ୍ୟ ପରିବର୍ତ୍ତନ ହୋଇଛି। ଏବେ ଡାକ ସେବା ଓ ସ୍ପିଡ୍ ପୋଷ୍ଟ ସେବା ଏକାଠି ହୋଇ ଯାଇଛି। ଏବେ ସାଧାରଣ ଡାକ ସେବା ବନ୍ଦ ହୋଇଯାଇଛି।
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ କ୍ରେଡିଟ୍ କାର୍ଡର ନିୟମ ପରିବର୍ତ୍ତନ କରିଛି। ଏବେ କ୍ରେଡିଟ୍ କାର୍ଡଧାରୀଙ୍କୁ ଡିଜିଟାଲ୍ ଗେମିଂ, ଅନଲାଇନ୍ ଗେମିଂ ଏବଂ ସରକାରୀ ୱେବସାଇଟ୍ରେ କାରବାର ପାଇଁ ପୁରସ୍କାର ପଏଣ୍ଟ ମିଳିବ ନାହିଁ।
୨ଟି ବଡ଼ ବ୍ୟାଙ୍କର ଫିକ୍ସଡ୍ ଡିପୋଜିଟ୍ ମଧ୍ୟ ପରିବର୍ତ୍ତନ ହୋଇଛି। ଆଜିଠାରୁ ଲୋକମାନେ ଇଣ୍ଡିଆନ୍ ବ୍ୟାଙ୍କର ୪୪୪ ଏବଂ ୫୫୫ ଦିନର ସ୍କିମ୍ ନେଇପାରିବେ ନାହିଁ। ଆଇଡିବିଆଇ ବ୍ୟାଙ୍କର ୪୪୪, ୫୫୫ ଏବଂ ୭୦୦ ଦିନର ସ୍କିମ୍ ମଧ୍ୟ ଆଜିଠାରୁ ବନ୍ଦ ହୋଇଯାଇଛି।
ଜାତୀୟ ପେନସନ ଯୋଜନା (ଏନ୍ପିଏସ) ଅନ୍ତର୍ଗତ ଏକୀକୃତ ପେନସନ ଯୋଜନା (ୟୁପିଏସ)) ଚୟନ କରିବାର ଶେଷ ତାରିଖ ବୃଦ୍ଧି କରାଯାଇଛି। ଏହି ନିୟମ କେନ୍ଦ୍ରୀୟ କର୍ମଚାରୀଙ୍କ ପାଇଁ ଯାହାଙ୍କ ପାଇଁ ନୂତନ ପେନସନ ଯୋଜନା ଲାଗୁ କରାଯାଇଛି। ପୂର୍ବରୁ ଯୋଜନା ଚୟନ କରିବାର ତାରିଖ ୩୦ ଜୁନ୍ ଥିଲା, ଯାହାକୁ ପ୍ରଥମେ ୩୦ ଅଗଷ୍ଟ ପର୍ଯ୍ୟନ୍ତ ବୃଦ୍ଧି କରାଯାଇଥିଲା ଏବଂ ଏବେ ଏହାକୁ ୩୦ ସେପ୍ଟେମ୍ବର ପର୍ଯ୍ୟନ୍ତ ବୃଦ୍ଧି କରାଯାଇଛି।
ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଏବଂ ଭାରତୀୟ ଜାତୀୟ ପେମେଣ୍ଟ ନିଗମ (ଏନ୍ପିସିଆଇ) ଅନ୍ୟ ବ୍ୟାଙ୍କର ଏଟିଏମରୁ ଟଙ୍କା ଉଠାଇବା ପାଇଁ ଆଦାୟ ହେଉଥିବା ଶୁଳ୍କ ବୃଦ୍ଧି କରିଥିଲେ। ଏହି ନିୟମ ୧ ମେ’, ୨୦୨୫ରୁ ଲାଗୁ ହୋଇଥିଲା, ଯାହା ୧ ସେପ୍ଟେମ୍ବର, ୨୦୨୫ ରୁ ଲାଗୁ ରହିବ। ଏହି ନିୟମରେ ଏପର୍ଯ୍ୟନ୍ତ କୌଣସି ହ୍ରାସ କିମ୍ବା ବୃଦ୍ଧି କରାଯାଇ ନାହିଁ।
Powered by Froala Editor
