ଜଳପ୍ରପାତ ବୁଲିବାକୁ ଯାଉଥିଲେ ବନ୍ୟାରେ ଭାସିଗଲେ, ୪ ମୃତ
ରାୟପୁର : ଛତିଶଗଡର ଜଗଦଲପୁରରେ ମର୍ମନ୍ତୁଦ ସଡକ ଦୁର୍ଘଟଣା। ଦରଭା ଥାନା ଅନ୍ତର୍ଗତ କାଙ୍ଗେର ଘାଟୀରେ ମଙ୍ଗଳବାର ଏକ କାର୍ ବନ୍ୟା ଜଳରେ ଭାସି ଯାଇଛି । ଏହି କାର୍ରେ ଥିବା ଯାତ୍ରୀଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ ଘଟିଛି । ସମସ୍ତ ମୃତକ ଗୋଟିଏ ପରିବାରର । ସମସ୍ତେ କାର୍ରେ ତୀରଥଗଡ ବୁଲିବାକୁ ଯାଉଥିଲେ । ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି । କାର୍ରେ ସ୍ୱାମୀ-ସ୍ତ୍ରୀ ଓ ସେମାନଙ୍କ ୨ ଶିଶୁ ଥିଲେ । ଅନେକ ଘଣ୍ଟା ଚେଷ୍ଟା କରିବା ପରେ ୪ ଜଣଙ୍କ ମୃତଦେହ ଉଦ୍ଧାର କରାଯାଇଥିଲା । ତାମିଲନାଡୁର ବାସିନ୍ଦା ଏହି ପରିବାର ବର୍ଷା ପାଗରେ ଝରଣା ସ୍ଥାନ ବୁଲିବା ପାଇଁ ଓ ଆନନ୍ଦ ନେବା ପାଇଁ ତୀରଥଗଡ ଜଳପ୍ରପାତ ବୁଲିବାକୁ ଯାଉଥିଲେ । କାର୍ଟି ହଠାତ୍ କାଙ୍ଗେର ଘାଟୀ ନିକଟରେ ପହଞ୍ଚିବା ବେଳେ ପ୍ରବଳ ବର୍ଷା ପରେ ବନ୍ୟା ଜଳ ରାସ୍ତା ଉପରେ ଖୁବ୍ ଜୋର୍ରେ ପ୍ରବାହିତ ହେଉଥିଲା । ସେହି ଜଳରେ କାର୍ଟି ଭାସି ଯାଇଥିଲା । ୪ ଜଣଙ୍କ ଜୀବନ ରକ୍ଷା ପାଇଁ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ମାତ୍ର ପାଣିରେ ବୁଡି ୪ ଜଣଙ୍କ ମୃତ୍ୟୁ ହୋଇଥିଲା। ଗାଡି ଚାଳକ କୌଣସି ପ୍ରକାରେ ପହଁରି ପହଁରି ଗଛରେ ଚଢି ନିଜ ଜୀବନ ବଞ୍ଚାଇଥିଲେ ।
Powered by Froala Editor
